Jirimaya 26:4 - Udél Dwata: Gna Kesfasad ne Lomi Kesfasad

⁴ Hol monem mò kul, ‘Ni se udél yóm sana Dwata hol gónó mogot, monen, ke là hnungol ye dou ne ke là lolò ye du yóm hlau deng hlolou kuy

Jirimaya 26:4 Referans Kwoze

1 Bok Kem Tau Hol Geta 9:6

Okóm ke knogolem o dalang se yó kem lugodem, ne ke là nimón ye du yó kem hlauhu kuy ne yó kem dumu hlolou kuy, ne ke tmaba ye ebè yó kem dwata kéng,

Isaya 1:20

Okóm ke là nimón ye dou angat ye matay bè suk. Ou se Dwata nim mudél ni yóm Dwata hol gónó mogot.”

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Dwata 4:8

Laen dù dumu but tau balù nô kwen le ke wen mdengen hlau tedeng nô lem blóng le lómón yó kem hlau deng toloku kuy kemdaw ni.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Jirimaya 22:5

Okóm ke là lolò ye du nim eles hetgamahu kuy ni, safau bélê ye angat gotu lemusok nim gónô bong ni.’ ”

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.

Jirimaya 7:14

Duhen ni, yóm deng tehe kegbau bè Silu, angat bud nmou bè ni bè yóm dou Gónô deng hdà ye bè ni, mò gónóhen nô yóm dou boluy, yóm Gónô tendo snalig ye mò gónó ye hofin bè yó kem hohon ye. Bè ni bè yóm tonok tehe blayu kuy dalang se yó kem tehe fù ye, bud nmou bè ni yóm deng tehe nmou bè Silu.