Jirimaya 26:23 - Udél Dwata: Gna Kesfasad ne Lomi Kesfasad

²³ Tahu se, kenfô le ne nwit le mulék ebè Jihuyakim. Omin Jihuyakim hfatay du mlan bè sudeng ne hboten lówóhen bè yóm gónó le gel lembeng yó kem tau laen dù kwa le.)

Jirimaya 26:23 Referans Kwoze

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Deng Hegfan 11:7

Okóm ke deng gotu deng le yóm htugod Dwata kul, ominen wen yóm sotu ógóf lóbô hsut gu lem yóm tey sol leyóng, nan e nit lu sfatay. Ne du matù bélê le, botong gotu ghatayen lu.

1 Tisalunika 2:15

Yó kem Ju hmayam kul yó, lu se yóm tehe hmatay ke Jisas yóm gónó tekuy mogot ne yó kem tau tmugod ke Dwata, ne bud lu se yóm gel hemsidek kum. Laen kô dù gónó le hefligal ke Dwata yó kem tau yó, mom hnohon le yó kem dumu le tau.

Matyu 14:10

Tahu se, tódô heklengen lihol Jan lem blanggù.

Jirimaya 36:30

Ni se bud udél Dwata eta Jihuyakim bè Juda, monen, Laen kô dù sfuhen tles myón bè yóm tehe gónón myón kmamal Dabid. Ke deng hnatay le Jihuyakim tódô bot le lówóhen laen kô dù lembeng du, tódô gotu etahen yóm nóng kdaw alì kinì kemdaw ne yóm tey ketnawen ke kifu.

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

Jirimaya 22:19

Yóm kebeng le du hol lómón kebeng kudà asnu, tódô dyol le hewà gu bè Jirusalim, bot le e sentu yóm bak tikeb.”

Hibru 11:37

Wen se bélê le matay bè kestudà le kul botu. Wen se bélê le tódô len-gadì le bè sóól lówóhen. Ne bud wen se matay lan le tmibó kul. Són nes lesek le, són kulit ubiha ne kulit kambing. Balù udì ke wen gónó le ma, ne tey gulé kehlayam le kul ne kehsidek le kul.

2 Bok Kem Tau Hol Geta 23:37

Yó kem gel nmoen, tey sidek bè kton Dwata du, senged bè yóm tehe kul nmò yó kem tehe fuen.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”