Jirimaya 26:22 - Udél Dwata: Gna Kesfasad ne Lomi Kesfasad

²² Omin Jihuyakim hektes du ke Élnatan yóm ngà Akbur logi, etu bè Idyip ne wen kem dumu tau mung du mò kemfô ke Uriya.

Jirimaya 26:22 Referans Kwoze

Jirimaya 36:12

yó nmoen, mógów ebè gónô bong yóm tau hol geta bè yóm dfél gónón mò nmò yóm tau gel smulat bélê le. Bè yóm kógówen ebè yó tolo le miting yó kem genlal yóm tau hol geta. Gotu le nô bè yó le Ilisama yóm tau fen gel smulat bélê le ne Dilaya yóm ngà Simaya logi ne Ilnatan yóm ngà Akbur logi ne Gimariya yóm ngà Syafan logi ne Sidikaya yóm ngà Hananiya logi ne yó kem dumu tau wen glal le.

2 Bok Kem Tau Hol Geta 22:14

Tahu se, lemwót le Hilkaya yóm tau gel blóng ebè Dwata, ne Ahikam ne Akbor ne Syafan ne Asaya, mógów le ebè yóm sotu tugod Dwata libun boluyen Hulda yehen Syalum ngà Tikba témê Harhas, menwu bè yóm lomi lebét Jirusalim. Yóm Syalum du fen gel mentey yóm gónó gel hemyu nes lem Gónô Dwata.

2 Bok Kem Tau Hol Geta 22:12

Ominen kendel mdók kul le Hilkaya yóm tau gel blóng ebè Dwata ne Ahikam ngà Syafan ne Akbor ngà Mikaya ne Syafan yóm tau fen gel smulat ne Asaya yóm tau gónón gel hmungol hlau, monen mò kul,

Jirimaya 36:25

Balù yóm tô kehseng le yóm tau hol geta le Ilnatan ne Dilaya ne Gimariya anì là ntemen du yóm sulat lenulun, okóm là kô hnungolen kul.

Kem Udél Hlalak Tehe Selumun 29:12

Yóm tau mogot benwu ke nmungen yóm kéng gotu le baling mò kéng se kul yó kem tau smugung béléen.

Kem Lingón 12:8

Yó kem tau mò sidek, tódô kihu gónóm mton kul, ya tey keheklabak le. Ne bè klamangen benwu, tendo dóyón yó kem tau yóm alì ksidek nmò tau.

Tekang Kbuten 36:38

Tikóng matay Sawul, yó bud temles hol geta, duhen Baal-hanan ngà Akbor.

Jirimaya 29:3

Nim sulaten ni hwiten ke Ilasa yóm ngà Syafan logi ne ke Gimariya yóm ngà Hilkaya logi, bè yóm kógów le ebè Babilun, kem tau gel snalig Sidikaya mò gónón gel setngón ebè Nibukadnisar. Yó lem yóm sulat Jirimaya, monen,

Jirimaya 39:14

mdók le kem tau mò hewà ke Jirimaya gu lem blanggù. Bè yóm deng kegewà Jirimaya, wen sotu tau gónó le smalig du boluyen Gidalaya yóm ngà Ahikam logi ne témê Syafan. Du mò fen mit du mulék ebè kun gónô. Tahu se, tódô nô bè Juda Jirimaya lem blóng yó kem dumuhen.