Jirimaya 26:21 - Udél Dwata: Gna Kesfasad ne Lomi Kesfasad

²¹ Timbow gungol Jihuyakim ne yó kem sendaluen ne yó kem genlal yóm tulón Uriya yó, yó gónón hógów tau mò na a hmatay ke Uriya. Okóm gungol Uriya yóm atulen yó, yó gónón mlóy etu bè Idyip lemwót bè yóm tey sidek klikoen.

Jirimaya 26:21 Referans Kwoze

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

Matyu 14:5

Bè yóm kungol Hirod du yóm udél Jan yó, hol kóyóen ke tô kendel hfatayen Jan, okóm likò bè yó kem Ju, abay se dilô le hol tugod Dwata yóm Jan.

Jirimaya 36:26

Okóm mom yó nmoen, dóken Jiramil yóm ngaen logi ne Siraya yóm ngà Asril logi ne Silimaya yóm ngà Abdil logi, anì kenfô le Baruk lewu le Jirimaya. Okóm deng bnos Dwata lu.

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

Mark 6:19

Lemwót bè yóm udél Jan yó, deng mom sidek kebut Hirudiyas du, kóyóen ke hfatayen, okóm là hlus Hirod du.

Matyu 10:39

Yóm tau knamaen klowilen, angat lana béléen yóm klowilen yó. Okóm yóm tau là knamaen du yóm klowilen, angat gutahen yóm klowil laen dù sónen.”

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kem Lingón 119:109

Balù yóm deng klonihen béléu hatay, okóm là kô naw e klifót kul yó kem hlauhem.

2 Tutul Israél 24:21

Okóm natul hnatay le Sikaraya yó kem tmuha gel malak, dalang se ke Juas yóm tau hol geta, gloken mdók kul anì sentudà le botu bè yó bè lósól yóm Gónô Dwata efet matay.

Jirimaya 26:10

Timbow gungol yó kem tau genlal bè Juda yóm nmò le bè Gónô Dwata yó, tódô le kendel lemwót bè yó bè gónô bong yóm tau hol geta bélê le, kendel le mógów ebè yóm Gónô Dwata ne gotu le myón bè yóm Lomi Bak Tikeb bè yó bè Gónô Dwata bè yóm gónó le gel kmukum.

Jirimaya 38:4

Duhen yó, lemwót yó kem genlal bè Juda yó mógów le ebè yóm tau hol geta bélê le, mon le mò du, “Ó Sér, tódô hnatay tekuy ne nim tau ni. Ngem ni dé lemwót bè yó kem tendo gel tulónen, botong lana bè yó kem dù sendalù tekuy yóm kfól nawa le dalang se bè yó kem dumu tau tebel bè nim syudad ni. Yó kem gel tulónen laen kô gónón gemtóbóng yó kem tau, deng mom hensideken lu.”

1 Bok Kem Tau Hol Geta 18:10

Smafae mlan bè boluy Dwata yóm kóm Dwata hol gónó mogot, deng hfebel Ahab uu bè klamang benwu. Ke wen bè yó kem dumu tau hol geta mogot benwu mon du là nói bè benwuhen, yó nmò Ahab bè yóm tau hol geta yó, hsafaen ke tahu yóm là ktonen kóm.