Jirimaya 26:2 - Udél Dwata: Gna Kesfasad ne Lomi Kesfasad

² monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.

Jirimaya 26:2 Referans Kwoze

Dwata 4:2

Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

Kul Nmò 20:27

abay se deng hónô tulónu kuy ne yóm kóyô Dwata bélê ye, laen kô dù bunihu bélê ye.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Jirimaya 19:14

Omin Jirimaya lemwót bè yó bè Tufét, yóm benwu gónó Dwata htulón du du yóm udélen ni koni ne tódô mulék. Bè yóm kuléken nan na slob talak lósól yóm Gónô Dwata ne yó udélen ebè yó kem tau nô bè yó, monen,

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Kul Nmò 20:20

Deng hónô tngón ye bè yóm gel ktoloku bélê ye, là kóe lenngayà tmulón du kuy yóm ktahuhen, senged se ke tmoloke bè gónón wen, duhen ke bè gónô ye.

Kul Nmò 5:42

Ket kdaw le tmolok lem Gónô Dwata, sbol le gel tmolok bè gónô yó kem tau. Tódô senflós le tmulón du yóm Tulón Hyu gbak ebè Jisas, yóm Misaya.

Kun Snulat Jan 18:20

Bnalà Jisas se, monen, “Bè yóm gel ktoloku, sal gele tmolok bè gónón wen. Gele tmolok bè yó kem gónó le gel stifun yó kem tau, duhen bè yó kem gónó le gel stifun yó kem Ju ne bè yóm Gónô Dwata. Laen kô dù bnosu.

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.

Jirimaya 36:10

Senfala Baruk lem blóng le yóm kdê udél deng hsulat Jirimaya du lem yóm klatas lenulun. Senfalahen bélê le bè yó bè Gónô Dwata bè yóm kun dfél Gimariya yóm ngà Syafan logi. Yóm Syafan, sotu tau genlal gel smulat bélê le bè kukum. Yóm dfél yó, nô fi leged yóm lósól Gónô Dwata moni bè yóm tikeb gónó le gel husek yó kem tau, yóm bnoluy le Lomi Tikeb bè Gónô Dwata.

Jirimaya 23:28

Bayaem ne yóm gel tulón yó kem tugod gel kemna yó. Okóm yó kem tau htugodu yóm dou udél, hol le tódô hteneb tmulón du sen yóm udélu. Tey wen gónón stólóng yóm lami halay bè yóm bunguhen.

Jirimaya 7:2

“Mógówi ebè bak tikeb yóm dou Gónô, bè yóm bak tikeb gónó le gel husek tmaba ebéléu yó kem tau ne yó monem mò kul, ‘Ó kem tau bè Juda, hnungol ye yóm udél lemwót bè yóm sana Dwata hol gónó mogot. Hol hnungol ye yóm kdê ye gel tmaba Dwata bè ni.

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Deng Hegfan 22:19

Ne ke wen tau wen kóhen du ni kem eles tulónen bè nim bok ni, bud kó Dwata béléen snéen yóm kun ólól bè yóm koyu hlowil tau, ne kóhen snéen yóm gónóhen tô nô bè yóm syudad Dwata, yóm deng tulónen bè nim bok ni.

Kul Nmò 5:25

Ominen sut yóm sotu tau, monen, “Ngem, yó kem tau bnanggù ye ebuteng, deng le sana bud tmolok lem Gónô Dwata.”

Kun Snulat Jan 8:2

Timbow deng mwas bè yó, tódô bud mulék ebè Gónô Dwata. Tey tau wen stifun ebéléen, ominen myón nan na tmolok bélê le.

Kun Snulat Luk 19:47

Kewóten bè yó ne, ket kdaw Jisas gel tmolok lem yóm Gónô Dwata. Ne ya tey kesefebut le du yó kem geta bè yó kem gel demsù ebè Dwata, dalang se yó kem tau tmolok hlau, kkólen bè yó kem dumu tau gónó le gel galak yó kem Ju. Hol kóyô le ke hnatay le Jisas.

Jirimaya 42:4

“Yó ne,” mon Jirimaya, “mnihe bè yóm sana kut Dwata hol gónó mogot ne gotu tulónu kuy yóm monen. Là kô bunihu du bélê ye.”

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Jirimaya 7:27

Duhen ni Jirimaya, hol tulónem yó kem dou tau nim udélu ni, okóm là kô hnungol le kóm. Ke tnabahem lu anì wen eles hetgamahem kul, là kô bnalà le kóm.

Isikél 33:7

Duhen yó, Tau Tonok, nmou uu mò mentey yó kem tau Israél. Yó gónóm mon, hol hnungolem yóm udélu anì eles wen hetgamahem kul lemwót béléu.

Juswa 8:35

Tódô gotu senfala Juswa bè yóm kdéen tau Israél, gomong kem libun ne kem ngà ne yó kem tólóng tau menwu lem blóng le. Gotu senfalahen bélê le yóm kdê hlau Dwata tehe snulat Musis.

Jirimaya 1:7

Okóm mom yó balà Dwata dou, monen, “Béem udél yóm yó. Holi mógów ebè yó kem gónóhu e hógów kóm ne hol tulónem yó kem htulónu kóm.

Jirimaya 25:2

Yó udél Jirimaya yóm tau tugod Dwata ebè yó kem tau bè Juda ne bè Jirusalim, monen,