Jirimaya 26:16 - Udél Dwata: Gna Kesfasad ne Lomi Kesfasad

¹⁶ Lemwót yó kem tau genlal ne yó kem dumu tau nô bè yó, yó udél le ebè yó kem tau gel blóng le ebè Dwata ne ebè yó kem tugod Dwata, mon le, “Bê tekuy abay hnatay nim tau ni, abay se hlanen bè boluy yóm sana kut Dwata hol gónó mogot yóm tulónen.”

Jirimaya 26:16 Referans Kwoze

Kul Nmò 23:29

Okóm bè yóm dou kmò kilô du, laen kô dù salà tonu béléen nim tau ni ke lewót gónó hmatay du duhen ke mò gónó bmanggù du. Tódô lemwót bè kul là kesegtud nawa lemolò yóm kul hlau nim gónón gemdà bè kukum ni.

Kul Nmò 23:9

Ngang le mò du yóm skuya mon yó koni efet le mom gotu sefetê. Ominen wen bè yó kem Farisi gel tmolok hlau mdà lem blóng le, ne hgel le udél le, mon le, “Laen dù salà ton me béléen nim tau ni” mò ke Pol. “Déke wen tahu hógów Dwata gu bè longit stulón du, duhen ke wen dumu nmò Dwata mò lanen stulón du.”

Kul Nmò 25:25

Okóm yóm dou ksólók du, laen kô bang salà tonu béléen ke gónón matay. Ne kun kóyô nim tau ni ke Sisar fen kmukum du, ne tódô nmungu yóm kóyóen, angat hwitu ebè Sisar.

Jirimaya 36:25

Balù yóm tô kehseng le yóm tau hol geta le Ilnatan ne Dilaya ne Gimariya anì là ntemen du yóm sulat lenulun, okóm là kô hnungolen kul.

Jirimaya 36:19

Yó mon le mò ke Baruk, “Hyu ke hebnos ye lewu ye Jirimaya. Bê ye abay tulón yóm gónó ye nô.”

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Jirimaya 26:11

Lemwót yó kem tau gel blóng le ebè Dwata dalang se yó kem tugod Dwata, gotu tulón le bè yó kem genlal ne bè yó kem dumu tau nô bè yó yóm delem le ke Jirimaya, mon le, “Tódô hnatay kmò du nim tau ni, abay se són tulónen yóm sidek gbak bè yóm syudad tekuy. Deng gungol ye se kuy yóm monen yó.”

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Istér 4:14

Ke tódói fen henek kóm bè nim kdaw ni, ngem sok angat sut yóm tóbóng mò lemwà yó kem Ju, yóm tóbóng là lemwóten béléem, ngem kà uu ne yó kem dumum setwoli fen matay. Okóm déke ni se yóm hol bótóng gónóm baling libun boi anì wen lanem gemtóbóng yó kem kóm tau.”

Jirimaya 37:15

Ya tey kebut le ke Jirimaya yó kem genlal efet hfes le ne bnanggù le lem gónô Junatan yóm tau fen gel smulat bélê le bè kukum. Yóm gónóen yó deng nmò le mò gónô blanggù.

Kem Lingón 94:16

Tau du de mofin dou bè yó kem tau gel mò sidek? Tmau du de mfi dou bélê le?