Jirimaya 26:14 - Udél Dwata: Gna Kesfasad ne Lomi Kesfasad

¹⁴ Béléu do denge nô lem hólól ye, hol nmò ye béléu sen yóm hyu bè kuy kehedem du.

Jirimaya 26:14 Referans Kwoze

Juswa 9:25

Ne ni, Sér, deng me nô lem hólólem. Tódô nmoem yóm kóm kóyô bélê me.”

Jirimaya 38:5

Yó balà Sidikaya kul, monen, “Yó ne, deng nô lem hólól ye yóm tau yó. Laen kô dù lanu hemseng kuy.”

2 Samwél 15:26

Okóm ke mon Dwata mò do, ‘Laen dù gónóhu hligal béléem.’ Ke yó udélen, ni se ou, tódô nmoen béléu yóm hyu béléen.”

Danyél 3:16

Yó balà le Sadrak ne Misak ne Abidnigu du, mon le, “Ó Nibukadnisar, laen mu me malà kóm bè yóm udélem yó.

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

2 Tutul Israél 24:22

Là kô hendem Juas du yóm tey kehyu nawa Jihuyada ebéléen yóm mà Sikaraya, mom hnatayen yóm ngaen. Bè yóm katay Sikaraya, yó monen, “Ton Dwata he yóm nmò ye ni, ne du meles kuy.”

Istér 3:11

Yó monen mò ke Haman yóm tau hol geta yó, “Omin he yó dum filak. Yó kem tau monem yó, tódô nmoem yóm kóm kóyô.”