Jirimaya 26:13 - Udél Dwata: Gna Kesfasad ne Lomi Kesfasad

¹³ Okóm ke hol kó ye yó kem sidek tendo gel nmò ye ne ke hol nimón ye yóm sana kuy Dwata hol gónó mogot, angat tenles Dwata hendemen bè yóm keglaen kuy.

Jirimaya 26:13 Referans Kwoze

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Juwél 2:14

Ke semfulék ye ebéléen, déke là hendohoen du yóm tô nmoen bélê ye ne mom bud tnóbóngen yu, hwenen tbas ye ne tifas grép ye anì wen bud blay ye ebéléen yóm sana kuy Dwata hol gónó mogot.

Jirimaya 38:20

Okóm yó balà Jirimaya ke Sidikaya, monen, “Là. Là kô blay le kóm yó kem sendalù Babilun elem hólól le ke nimónem yóm deng mon Dwata mò kóm. Ke nimónem, là kói matay ne angat hyu kógów klowilem.

Jirimaya 36:3

Ke gungol yó kem tau bè Juda yóm kdê angat tô heglumfaku kul, déke knogol le yó kem sidek tendo gel nmò le. Ke yó nmò le, gotu hnifótu yó kem salà le ne kdê yó kem sidek tendo gel nmò le.”

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

Jirimaya 26:3

Déke gungol yó kem tau ne tenflok le yó kem sidek tendo gel nmò le. Ke yó nmò le, là kô hdohou du yóm keglau kul lemwót bè yó kem sidek gel nmò le.

Jirimaya 18:8

okóm ke yó nmò yó kem tau bè yóm benwu yó, knogol le yó kem sidek gel nmò le, là kô hendohou du yóm deng monu yó, là kô genbau du yóm benwu yó.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Jirimaya 18:11

Duhen ni Jirimaya, eles hetgamahem yó kem tau bè Juda ne yó kem tau bè Jirusalim, monem mò kul, ‘Ni se udél Dwata ebélê ye, monen, deng wen ne atulu eta ye ne deng wen eles hentifesu mò heglumfaku kuy. Duhen yó, hol knogol ye ne yó kem sidek gel nmò ye yóm ket kuy na sotu. Tenles ye kmò ye ne hol nmò ye yóm hyu anì là henlósu du yóm atulu yó.’ ”