Jirimaya 26:12 - Udél Dwata: Gna Kesfasad ne Lomi Kesfasad

¹² Omin Jirimaya mudél ebè yó kem genlal ne ebè yó kem dumu tau nô bè yó, monen, “Dwata se yóm deng hógów dou mò tmulón du kuy yó kem deng gungol ye gbak bè yóm Gónóen ne bè nim syudad ni. Deng gotu htugod Dwata dou ket udél gungol ye.

Jirimaya 26:12 Referans Kwoze

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Kul Nmò 4:19

Okóm bnalà Pitér ne Jan lu, mon le, “Bè kuy kmò kehedem du, mahi du hyu bè kton Dwata kum, ke nimón me yu duhen ke Dwata?

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

Jirimaya 26:2

monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.

Amus 3:8

Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?