Jirimaya 24:9 - Udél Dwata: Gna Kesfasad ne Lomi Kesfasad

⁹ Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Jirimaya 24:9 Referans Kwoze

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Jirimaya 15:4

Lemwót bè yó kem sidek tehe nmò Manasi yóm tau hol geta bè Jirusalim yóm ngà Hisikaya logi, bè yóm tehe kogoten yóm benwu Juda, yó gónóhu mò du bè yó kem dou tau ni kem monu ni koni. Ke ton yó kem dumu tau bè klamangen benwu yóm glumfak le ni, botong kenhisik le lu.

Dwata 28:37

Yó kem tau nô bè yó kem benwu angat gónó Dwata e semkla kuy yó, tey sidek ketnga le bè yóm kton le du yóm tey gfà ye. Ne yó nmò le bélê ye, tey kehlowon le kuy ne tey kesedekà le kuy.

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.

Jirimaya 29:22

Yóm katay le yó mò angat gel sentulón tau elem hulin kdaw, anì yó ke tô henmulaen kem dumun yóm sotu tau deng negef le, yó angat monen, ‘Hol angat nmò Dwata béléem he yóm tehe nmoen bè le Sidikaya ne Ahab, kem tau tehe dnutung Nibukadnisar matak.’

Jirimaya 26:6

ke henlós ye yóm là kimón ye, angat genbau yóm Gónóu ni hol lómón yóm tehe kegbau bè Silu, yóm benwu tehe gna gónó ye tmaba ebéléu. Ke deng ton yó kem dumu tau bè klamang benwu yóm angat kegbau yóm Jirusalim ne ke wen henmulà le, angat mon le, hol mkél bè Jirusalim he yóm ktafak Dwata kóm.’ ”

2 Tutul Israél 7:20

angat hdóhu yó kem tau Israél bè yóm tonok deng tehe blayu kul. Angat kenbéu snéen yóm Gónóu ni, balù yóm deng kfunu du mò mit yóm dou boluy. Angat henbalingu mò sendekà yó kem tau bè dumu benwu.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Jirimaya 42:18

Ni se udél yóm Dwata laen dù là gbeken du, yóm Dwata yó kem tau Israél, monen, ‘Deng koku eta yó kem tau bè Jirusalim yóm tey sidek kebutu kul. Hol lómón yó se angat bud nmou bélê ye ditu bè Idyip. Yó kem tau nô bè yó, angat baling kenhisik le yu, lel le hemmulà kuy lel le semlón kuy. Ne là kô bud ton ye du ne yóm kuy benwu.’

Jirimaya 19:8

Angat tey sidek kegbau du yóm syudad Jirusalim. Lemwót bè yóm alì kegbaen, ya tey sidek ketnga yó kem tau mlan bè yó ne tey khisik le du.

Kem Lingón 69:11

Bè yóm keseku yóm nes gel lesek yó kem tau langag, deng mom bud knuli le ou.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”