Jirimaya 24:8 - Udél Dwata: Gna Kesfasad ne Lomi Kesfasad

⁸ Okóm yó kem fig bolok hnigaden Sidikaya bè Juda ne yó kem genlalen, ne kdê yó kem tau dù tebel bè Jirusalim ne yó kem dumu tau mlóy etu ebè Idyip. Lómón kmou kul lómón yó kem bungu fig bolok là bud hyu mken kul.

Jirimaya 24:8 Referans Kwoze

Jirimaya 37:17

Bè yóm knô Jirimaya bè yó, lemwót Sidikaya hangayen Jirimaya ebè gónô bongen ne wen lifut snólóken béléen, monen, “Wen kô udél lemwót bè Dwata?” Bnalà Jirimaya se, monen, “Wen. Angati gnô lem hólól yóm tau hol geta bè Babilun.”

Jirimaya 24:2

Yóm sotu abì tonu tódô hnok fig mélél lemen. Okóm yóm sotuhen hono bolok yóm fig nô lemen, là bud hyu mken du.

Jirimaya 37:10

Baluen he ke gemmò ye bè kdê yó kem sendalù Babilun ne són mowil bélê le yó kem olon hnalì, kaem yó kem olo le hnalì yó tódô le btik bè yó kem kamfù le na le e ntem nim syudad ni.”

Jirimaya 24:5

“Ni se udél Dwata yóm Dwata yó kem tau Israél. Yó kem fig hyu tonem hnigaden yó kem tau Juda deng negef le ebè Babilun.