Jirimaya 24:6 - Udél Dwata: Gna Kesfasad ne Lomi Kesfasad

⁶ Yóm khegefu kul, kul kehyu. Angat tendo tnanudu lu ditu ne angat bud nwitu lu semfulék edini. Bè yóm bud kehesfuléku kul edini bud hdau lu, là kô naw e hnugón kul. Lómón ke bud huluhu lu, là kô naw e kendut kul.

Jirimaya 24:6 Referans Kwoze

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Jirimaya 33:7

Angat bud hen-guléku klowil le yó kem tau bè Juda ne yó kem tau bè Israél. Gotu bud hdau yó kem syudad le.

Jirimaya 32:41

Angat tey kligalu mò du bélê le yóm hyu ne hol lemwót lem but blututu yóm bud khuluhu kul ta nim tonok ni.

Jirimaya 12:15

Okóm kogolen bè yó bude semfulék ebélê le, bud knoduhu lu yóm kdê le. Bud nwitu lu semfulék ebè yóm hol kul benwu, ket tau nuléken yóm kun tonok.

Jirimaya 1:10

Kemdaw ni wen kwalis blayu kóm mò mudél ebè yó kem dê kay but tau ne ebè yó kem tau hol geta mogot kul. Hol lómón kmoem kul, wen se kendutem ne wen se hnugónem, wen se genlaem ne wen se hebtangem. Okóm bud wen se bélê le bud hdaem ne wen se bélê le hol lómón ke bud huluhem.”

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

1 Pitér 3:12

Abay se yóm Dwata, là kô kó matahen du yó kem tau tedeng kmò le, ne sal gel henklinguhen yóm gel kni le béléen. Okóm yó kem tau gel mò sidek, hohonen lu.”

Isikél 36:24

Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.

Jirimaya 23:3

Okóm yó angat nmou bè yó kem dou tau, gotu bud sentifunu lu yó kem dù tebel bè yó kem benwu deng tehe gónóhu e semkla kul. Gotu bud nwitu lu semfulék ebè yóm tehe kul benwu ne angat tey bud kból le bè yó.

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.

Jirimaya 31:4

Angat bud hdau yu kem tau Israél. Lómó ktonu kuy hol lómón ke tolo ye sawang libun béléu. Angat bud nogot ye yó kem tamburin gel nuni ye anì bud ye hligal madal.

Jirimaya 31:28

Bè yóm gnan kdaw, lómón ke kendutu lu ne lómón ke hebtangu yóm benwu le. Ne gotu genlau lu ne wen tey heglumfaku kul. Okóm bè hulin kdaw, bud huluhu lu ne bud hdau yóm kul benwu,” mon Dwata.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Amus 9:14

Yó kem dou tau deng tehe negef le mayuk, angat bud nwitu lu mulék ebè yóm kul tonok. Bud hdà le yó kem syudad le deng gbà ne bud le menwu du. Ne bud le mulu grép bè yó ne bud ginum le tifas le. Ne bud le mò hulu bè yó ne bud gken le yó kem bunguhen.

Tekang Kbuten 44:21

Ne tehe monem mò kum, Sér, ‘Nwit ye edini anì tonu.’

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Jirimaya 39:12

“Béen wen hemdes du ne hol sen-gyok ye. Tódô blay ye du kihu nóyóen.”