Jirimaya 24:5 - Udél Dwata: Gna Kesfasad ne Lomi Kesfasad

⁵ “Ni se udél Dwata yóm Dwata yó kem tau Israél. Yó kem fig hyu tonem hnigaden yó kem tau Juda deng negef le ebè Babilun.

Jirimaya 24:5 Referans Kwoze

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Nahum 1:7

Tey hyu yóm Dwata. Ke wen hlayam sut, tek sónen du yóm gónó e mlo alì mbegel. Gotu nofinen yó kem tau smalig béléen.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Matyu 25:12

Okóm mom mon yóm logi myehen, ‘Bê. Là kô tngónu kuy.’

Kem Lingón 119:71

Tey hyu béléu yóm kehlayamem do anì dnalangu yó kem hlauhem.

Kem Lingón 119:67

Gu laanem là deng semtódô do, denge tlas, okóm ni, hol nimónu yóm kóm udél.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Jirimaya 24:4

Ominen wen udél Dwata ebéléu, monen,

Jirimaya 29:4

Yóm udél ni hwit yóm Dwata laen dù là gbeken du yóm Dwata yó kem tau Israél. Hwiten ebè kdê yó kem tau lemwót bè Jirusalim deng hegefen ebè Babilun. Yó udél Dwata, monen,

Jirimaya 29:20

Bud mon Jirimaya, “Yóm kdê ye deng negef ebè Babilun, hol hnungol ye yóm udélen ebélê ye Dwata.

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.