Jirimaya 24:3 - Udél Dwata: Gna Kesfasad ne Lomi Kesfasad

³ Yó udél Dwata ebéléu, monen, “Tedu se tonem du, Jirimaya?” Bnalau se monu, “Bungu fig. Wen se hyu mken du ne wen se là hyuhen.”

Jirimaya 24:3 Referans Kwoze

Amus 8:2

Snólók Dwata ou, monen, “Amus, tedu de tonem?” Bnalau se, monu, “Abì hnok bungu koyu deng mélél.” Omin Dwata bud mon du mò dou, “Yóm bungu koyu deng mélél ni, hnigaden yó kem dou tau Israél deng tey tógó tmafak kul. Là bud gnolunu du ne yóm ktafaku kul.

Sikaraya 4:2

Bud snólóken o, “Tedu se tonem ni du?” Bnalau se, monu, “Yó tonu, sotu gónó hemyón solok hono tahu blówón, nô tahen yóm tukung bong gónó hemsù hnolo. Hilol kilil yóm tukung bong yó, wen hitu tukung lemnek myón du, bede hono solok ne ket solok wen hitu sumóngen mò gónón mlan sembwanen.

Amus 7:8

Ne snólók Dwata o, monen, “Amus, tedu se tonem?” Bnalau se, monu, “Tuntun.” Omin Dwata bud mon du mò do, “Ngem, nim tuntun ni mò lanu milô yó kem tauhu Israél. Ke là tedengen yóm ktonu kul, angat dohò yóm ktafaku kul.

1 Samwél 9:9

(Bè yóm kdaw yó bè kem tau Israél, ke wen tô snólóken bè Dwata yóm sotu tau, yó gel monen, “Lemwót tekuy, mógów tekuy ebè yóm tau gel wen hton Dwata du.” Yó se tehe gel taba le yóm tau tugod Dwata.)

Sikaraya 5:2

Bud snólóken o yóm hógów Dwata gel stulón do, “Tedu se tonem?” Bnalau se, monu, “Klatas lenulun deng mból móyóng te kmawang, dô syóm mitru ktahaen ne fat mitru sóól klamangen.”

Jirimaya 24:4

Ominen wen udél Dwata ebéléu, monen,

Jirimaya 29:17

Ni se udél yóm Dwata laen dù là gbeken du ebélê le, monen, ‘Angat wen gida hwitu elem blóng le ne hbelu yóm tey bitil bong, lelen wen tey des hgefetu bélê le. Lemwót bè yóm heglumfaku kul ni, yó gónów hkél kul bè bungu fig bolok là bud hyu mken du.