Jirimaya 24:2 - Udél Dwata: Gna Kesfasad ne Lomi Kesfasad

² Yóm sotu abì tonu tódô hnok fig mélél lemen. Okóm yóm sotuhen hono bolok yóm fig nô lemen, là bud hyu mken du.

Jirimaya 24:2 Referans Kwoze

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 5:4

Wen kô là nmou du bè yó kem huluhu? Laen duen. Ke deng gotu nmou kdéen, moen de ke alì msom bunguhen? Yó hol hendónu bélê le dé ke hol mnóm. Là yóm ni.

Matyu 5:13

Bud mon Jisas, “Yu kem tau lemolò do, hol lómón ke yu yóm kahì bè yó kem tau. Bede yóm kahì kesok deng mkó yóm khééten, là kô wen lanem bud hféét du ne. Laen kô bud muhen, tódô bot ne sensdà yó kem tau mógów.

Jirimaya 29:17

Ni se udél yóm Dwata laen dù là gbeken du ebélê le, monen, ‘Angat wen gida hwitu elem blóng le ne hbelu yóm tey bitil bong, lelen wen tey des hgefetu bélê le. Lemwót bè yóm heglumfaku kul ni, yó gónów hkél kul bè bungu fig bolok là bud hyu mken du.

Nahum 3:12

Angat gotu genbà le kdê yó kem gónóhem gel heklung. Hol lómón klahil keglà le kóm lómón ke kningò le yó kem koyu fig deng mélél bunguhen, gotu le btang elem bak yóm tau kmingò du.