Jirimaya 24:10 - Udél Dwata: Gna Kesfasad ne Lomi Kesfasad

¹⁰ Wen gida hwitu elem blóng le mung du yóm tey bitil bong, lelen wen des leed hgefetu ebélê le. Yó se nmou bélê le efet le gotu lana bè tonok Israél, yóm tonok tehe blayu kul hlanu bè yó kem fù le.”

Jirimaya 24:10 Referans Kwoze

Isikél 33:27

Bud tulónem kul yóm udél yóm sana Dwata hol dandónen geta, yó monen, Ni safau bélê ye hlanu bè yóm là katayu. Yó kem dù tau nô bè yó kem syudad deng gbà angat le gotu matay bè sudeng. Yó kem dù tau menwu lem bulul angat gotu nsék le lu yó kem ógóf lem bnes. Yó kem dù tau hebnos lem bulul ne lem kilib angat le gotu matay bè des.

Jirimaya 19:7

Yakà angat hensengu du yóm atul yó kem tau bè Juda ne yó kem tau bè Jirusalim ne hlusu yó kem sendalù hohon le mò hmatay kul. Yó kem lówó le deng matay tódô tebel yó kem hohon le, gotu htukóu yó kem onuk koyu mken matay ne hséku yó kem ógóf lem bnes.

Jirimaya 15:2

Ke snólók le béléem, tedu gónó me e solu du, tulónem kul, ‘Ni se udél Dwata ebélê ye, monen ke kul olu matay bè des yó kem dumu, yó se hatay le. Ne yó kem dumu ke yó kul olu matay bè gida, yó se hatay le. Ke kul olu se yó kem dumu matay lemnus, yó se hatay le. Ne ke kul olu negef mayuk yó kem dumu, negef le lu mayuk.’

Jirimaya 9:16

Angat gotu senklahu lu ebè yó kem benwu là deng hnikót gungol le du ne là deng hnikót gungol le du se kul yó kem tehe fù le. Angat wen kem sendalù mit sudeng hektesu kul efet gotu genlau lu.”

Deng Hegfan 6:8

Ne tahu se, tódô tonu se yóm kudà malù bulow mélél. Yó boluy yóm tau smakay tahen, Hatay. Ne wen tau eles huli du boluyen Hidis. Benlay le lu kwalis hmatay tau, botong gbut tau bè klamangen benwu gbek hnatay le. Yó kmò keglà le kul, hlan le bè gida, ne bè bitil bong, ne bè kem des, ne bè yó kem ógóf lóbô lem bnes.

Dwata 28:21

Angat hwit Dwata ebélê ye yó kem des mò gónó ye matay efet laen dù bélê ye tebel ta yóm tonok móyón nfun ye.

Jirimaya 42:17

Yó se yóm angat nô ta yóm ket kuy sotu dmendel mógów etu. Tahu se, wen se bélê ye angat matay bè gida ne wen se angat matay lemnus ne wen se angat matay bè des. Laen kô dù bélê ye gewà gu lem yóm angat glumfak ye ditu.’

1 Bok Kem Tau Hol Geta 14:15

Angat gotu tnafak Dwata lu yó kem tau Israél, lómón kmoen kul lómón yóm teblow kohil bè lel él tolo mogot bè buten. Angat gotu kenduten lu yóm kdéen tau Israél ta yóm tonok hyu deng tehe blay Dwata yó kem tehe fù le, ne angat gotu senklahen lu sentu yóm Él Yufratis, yakà deng hebut le ke Dwata bè yóm ktaba le bè hehek yóm dwata libun boluyen Asira.

Jirimaya 9:15

Duhen ni hol hnungolem yóm angat nmou, ou yóm Dwata laen dù là gbeken du, yóm sana kul Dwata yó kem tau Israél. Hol lómón ke wen hulu alì héét angat hkenu kul yó kem dou tau ne lómón ke wen él gónó milu angat hinumu kul.

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Jirimaya 29:17

Ni se udél yóm Dwata laen dù là gbeken du ebélê le, monen, ‘Angat wen gida hwitu elem blóng le ne hbelu yóm tey bitil bong, lelen wen tey des hgefetu bélê le. Lemwót bè yóm heglumfaku kul ni, yó gónów hkél kul bè bungu fig bolok là bud hyu mken du.

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Jirimaya 32:24

Hnénégem dé yóm deng nmò yó kem hohon me tódô genbà le yóm beng lemibut yóm syudad ni anì gusek le elemen. Angat btang elem hólól yóm tau hol geta mogot yóm benwu Babilun nim syudad ni mlan bè gida ne bè bitil ne bè des. Kdê yó kem deng tehe monem, deng gotu dohò ne.

Jirimaya 32:25

Lelen yó he Dwata yóm hol dandónen geta, balù yóm deng móyón kebtangen elem hólól yó kem sendalù Babilun nim syudad ni, mom bud heblihem ou tonok lem blóng yó kem gemtanud du ni.”

Jirimaya 42:22

Yó gónóm mon, là kóen megewu nawa ye du yóm angat katay ye bè gida ne katay ye lemnus ne katay ye bè des ditu bè Idyip, yóm benwu gónó ye e dmendel mógów.” Là gomongen bè nili yóm tsaptér 43 ne 44. Yó tulónen bè tsaptér 43 yóm là kimón yó kem tau dù tebel bè Juda du yóm kmon Dwata du mò kul hol le henek bè Juda. Deng mom yó nmò le gotu le mógów ebè Idyip, nwit le Jirimaya ne Baruk. Yó gónó le mógów ebè Idyip, abay se likò le ke Nibukadnisar. Tikóng le kól bè Idyip, bud wen udél htugod Dwata ke Jirimaya mò tulónen kul, monen, “Yóm Nibukadnisar tendo knikò ye ni, mom du tau mò tóbóng lówóhu. Ou se bud hógów du ebè Idyip anì nan e gotu gnida yóm klamang Idyip. Gotu ntemen yóm gónô yó kem dwata kéng le ne gotu negefen lu ebè Babilun yó kem tau Idyip.” Yó tulónen bè tsaptér 44, yóm bud htugod Dwata ke Jirimaya ebè yóm kdéen dù tau Juda deng kól bè Idyip. Bud hegbel Dwata bè nawa le yóm but gónón gemlà yóm benwu Juda ne syudad Jirusalim lan le tmógó mambang mò dsù le ebè yó kem dwata kéng hentahu le ne lan le mtem insinsu ebélê le lem yóm kul gónô. Bud senged se nmò le ni kem tau ni bè yóm deng knô le bè Idyip, là kô kó le du. Ne yó gónó Dwata bud htugod ke Jirimaya anì eles tngón le yóm angat tey ktafaken kul efet le gotu matay yóm kdê le, dalang se yó kem ngà tolo sniwi le. Wen se bè yó kem tau là mimón yó angat matay bè gida ne wen se bélê le matay lemnus.