Jirimaya 24:1 - Udél Dwata: Gna Kesfasad ne Lomi Kesfasad

¹ Kogol yóm deng kegef Nibukadnisar bè Babilun ke Jihuyakin yóm ngà yóm tehe Jihuyakim bè Juda, mung du yó kem genlalen ne yóm kdê tau wen kenhulung tdok le, wen hton Dwata béléu. Yó tonu wen lewu abì hnok fig myón bè lewà yóm Gónô Dwata bè Jirusalim.

Jirimaya 24:1 Referans Kwoze

Jirimaya 29:2

Yóm ksulat Jirimaya du nim sulaten ni, kogol yóm deng kegef le kul ebè Babilun le Jihuyakin lewu le yéen ne yó kem genlalen ne yó kem tmuha gónó le gel galak bè Juda ne kdê yó kem tau wen kenhulung tdok le.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

Sikaraya 3:1

Omin yóm hógów Dwata gel stulón do hton du dou yóm geta bè yó kem gel blóng ebè Dwata boluyen Jéswa, mdà bè solu yóm hógów Dwata. Bè kwanan yóm hógów Dwata yó, mdà bè yó Seitan ne tey dê tifuen ke Jéswa.

Sikaraya 1:20

Ominen wen fat kem tau msól bud hton Dwata do.

Amus 7:7

Bud wen hton Dwata dou. Tonu Dwata mdà bè kilil yóm beng deng hlan le bè tuntun yóm tehe kehdà le du. Ne wen tuntun nogoten lanen hménég du ke deng hol tedeng.

Amus 7:4

Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.

Amus 7:1

Wen htonen dou yóm Dwata hol dandónen geta. Tonu yóm tey tlangas mfól deng eles hentifesen mò hwiten ete tonok. Yóm ktonu du ni, deng kogol kuta le bad yóm tau hol geta ne deng bud nbuten tmowok yóm mò kul nuta.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

2 Bok Kem Tau Hol Geta 24:10

Yóm tolo kogoten benwu Jihuyakin, lemwót yó kem sendalù Nibukadnisar bè Babilun, mundug le ebè Jirusalim ne kmamfù le hilolen.

Jirimaya 29:1

Bè yó bè Jirusalim wen sulat Jirimaya ebè yó kem tau Israél deng negef le ebè Babilun, sulaten ebè yó kem tuha gónó le gel galak ne ebè yó kem tau gel blóng ebè Dwata ne ebè yó kem tau tugod Dwata ne ebè kdê yó kem tau deng negef Nibukadnisar ebè Babilun.

Jirimaya 37:1

Timbow deng matay Jihuyakim, lemwót Nibukadnisar yóm tau hol geta bè Babilun, nmoen Sidikaya yóm ngà tehe Jusaya logi mò tles mogot bè Juda. Du mò tles Jihuyakin yóm ngà Jihuyakim logi.Okóm balù Sidikaya ne yó kem genlalen ne yó kem dumu tau tebel bè Juda, balù udì ke hnungol le yóm udél Dwata htugoden ke Jirimaya.

Isikél 17:4

ominen temfok yóm hol tubeden. Ne nwiten ebè yóm sotu benwu bong hono kem tau swa nô lemen ne bè yó gónón mulu du yóm tubed tenfoken yó.