Jirimaya 23:2 - Udél Dwata: Gna Kesfasad ne Lomi Kesfasad

² Ni se bud udél Dwata yóm Dwata yó kem tau Israél, ebè yó kem tau tô halaken yó kem kun tau, monen, “Lemwót bè yóm deng kesekla ye kul yó kem dou tau deng mom lo ye lu, là kô dog sen-gyok ye kul, yó gónów tmafak kuy bè yóm sidek deng nmò ye bélê le.

Jirimaya 23:2 Referans Kwoze

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Matyu 25:43

Yóm tehe kilohu, là kô hnódó ye do. Yóm tehe klaen dù nesu, là kô dog benlay ye do. Yóm tehe kwen desu ne yóm tehe knóu lem blanggù, là kô dog sen-gifà ye do.’

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Matyu 25:36

Bè yóm tehe klaen dù nesu, wen blay ye do mò nesu. Ne bè yóm tehe kwen desu, tey gel kesgifà ye do. Ne bè yóm tehe knóu lem blanggù, tódô gel nauy ye ou.’

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.

Isikél 34:5

Yó gónóm mon, tódô le gotu sekla yó kem dou ubiha lanen laen dù tau semgyok kul. Tey mahil bè yó kem ógóf lem bnes msék kul.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Sikaraya 10:3

Yó udél Dwata, monen, “Tey sidek kebutu kul yó kem tau semgyok yó kem ubihahu, angat tnafaku lu yó kem tau gel malak kul yó. Yakà dengen kól yóm Dwata laen dù là gbeken du nan e sen-gyok yó kem kun ubiha, duhen yó kem tau Juda. Angat tey kehekgisen kul, lómón yó kem kudà kemgis gel nwit le bè gida.