Jirimaya 23:12 - Udél Dwata: Gna Kesfasad ne Lomi Kesfasad

¹² Yó gónóm mon, tey medel yóm lan lolò le ne tey sidek kkifuhen. Hetlokobu lu ne hebtangu lu. Wen heglumfaku kul ke deng bangu tmafak kul. Ou se Dwata nim mudél ni.

Jirimaya 23:12 Referans Kwoze

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

Kem Lingón 35:6

Yake hol kmifu yóm lan le, lelen medel, yóm igoen kemtes kul yóm hógów Dwata.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Isaya 8:22

duhen ke hmunu le ebè tonok tek són ton le, són yóm gónó le glayam ne yóm tey kkifuhen, yóm kifu wen klikò mung du. Ne laen kô dù lan le mógów elemen. Laen kô gónó le gewà du yóm tey hlayam angat gefet bélê le.

Kem Lingón 73:18

Yó angat kmoem kul, lómón ke hdaem lu bè yóm gónón alì medel tonok anì tlidus le elem yóm gónó le angat megtafak.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

Dwata 32:35

Bneles Dwata lu ne tnafaken lu. Móyón kól ne yóm kdaw le btang ne deng moni ne yóm kdaw le meglà.

Kem Lingón 82:5

Okóm yó kem tau hemgnok kul, laen kô dù tngón le. Là kô le hulung hedem. Hol lómón ke nô le lem kifu. Yó gónóm mon, là bud tonem du te tonok ne yóm tau tedeng kkukumen.