Jirimaya 23:10 - Udél Dwata: Gna Kesfasad ne Lomi Kesfasad

¹⁰ Abay se yóm benwu yó hono tau smamuk. Yó se gónó Dwata tmafak du yóm tonoken. Deng tódô mékéng yóm gónó le gel hótób ógóf hol lómón ke langag se kun yóm tonok. Abay se yó kem tau tugod Dwata, hono sidek yóm nmò le ne sidek kwit le du yóm kfasang le.”

Jirimaya 23:10 Referans Kwoze

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Jirimaya 9:2

Hyu dé ke wen gónóhu nô ditu lem yóm benwu laen hol wen tauhen anì glayuke bè yó kem dou tau, yakà deng le gotu baling tau mdà yehen, tau mahil hmatay dumu tau.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

Juwél 1:10

Yó kem tonok gónó mò hulu, laen dù bud hulu tmowok tahen, hol lómón ke gotu le langag. Laen dù bud tonem halay kkólen bè yó kem tifas grép, laen dù bud tonem ne laen se bud tonem hnolo ulib.

Jirimaya 14:2

“Yó kem tau bè Juda tey klangag le. Bè yó kem syudaden laen dù bud gónó le ma mò hbalù le bè yó. Tódô le myón bè tonok yóm kdéen tau lan le langag. Ya tey sidek kkik le yóm kdéen tau bè Jirusalim lemwót bè yóm alì sidek keglayam le.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Jirimaya 9:12

Ominu smólók ke Dwata, “Tau du se gembek temnef du yóm angat nmoem ni? Tau du se deng tolokem anì bud hlanen bè dumu tau se kun? Moen du ke deng tódô gbayà yóm tonok lómón ke baling benwu là hyu menwu du, benwu laen dù bud tau mlan lemen?”

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Sifanaya 3:4

Yó kem tugod dwata le, tey keheklabak le, là tahuhen yóm gel tulón le. Yó kem tau gel blóng le ebè Dwata, mom nmò le yóm gónón gholu yóm kun Gónô Dwata ne nulé le yóm hlolò Dwata bè yó.