Jirimaya 23:1 - Udél Dwata: Gna Kesfasad ne Lomi Kesfasad

¹ Yó udél Dwata, monen, “Ya tey sidek angat ktafaku kul yó kem tau gónó le gel galak yó kem dou tau, abay se deng gotu hensidek le yó kem tau hesegyoku kul ne deng gotu senkla le lu.”

Jirimaya 23:1 Referans Kwoze

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Jirimaya 22:22

Yó kem tau gel dumum stóbóng, angat le tódô gotu lana, mung le holis bè lenos. Kdê yó kem tau gel dumum stóbóng, angat tódô gotu negef le lu. Ke deng sut yóm yó, ominem yó he mulék myak lemwót bè yó kem sidek gel nmoem.

Jirimaya 2:8

Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Kun Snulat Jan 10:12

Okóm yóm tau olon semgyok ubiha lemwót bè yóm gel ksukéy le du, ke sok sut yóm ógóf lóbô gu lem bnes, tódô mlóy yóm tau yó, gtagaken yó kem ubiha sen-gyoken, abay se sundu kun ubiha du, ne là du du yóm tau hol semgyok kul. Yó nmò yóm ógóf lóbô sut yó, wen ubiha kenfóen, ne gotu senklahen lu yó kem dumu.

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Jirimaya 23:2

Ni se bud udél Dwata yóm Dwata yó kem tau Israél, ebè yó kem tau tô halaken yó kem kun tau, monen, “Lemwót bè yóm deng kesekla ye kul yó kem dou tau deng mom lo ye lu, là kô dog sen-gyok ye kul, yó gónów tmafak kuy bè yóm sidek deng nmò ye bélê le.

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Isikél 34:31

Yu se yó kem dou ubiha, yóm tendo gel hótóbu. Hol yu se yó kem dou tau ne ou se yóm kuy Dwata, udél yóm sana Dwata hol dandónen geta.” Là gomongen bè nili yóm tsaptér 35. Yó tulónen bè yóm tsaptér ni yóm ktafak Dwata yóm benwu Idom.

Isikél 34:21

Yu kem ubiha mabù, deng mom tulud ye ne snukót ye lu yó kem dou ubiha wen des le lel le bitil efet le deng mom gotu sekla ebè yó kem benwu mayuk.

Jirimaya 2:26

Yó udél Dwata, monen, “Yóm tau mnagaw, tey sidek kyaken ke gekfô. Lómón yó se kuy kem tau Israél, angat tey sidek kyak ye bè yóm kekfóu kuy yóm kdê ye, gomong yó kem tau hol geta bélê ye ne yó kem genlal ye ne yó kem tau gel blóng ye ebéléu ne yó kem tau tugodu, angat tey sidek kyak le.

Kun Snulat Jan 10:8

Yó kem tau tmolok sekban gu laanu là deng kól dini, hol lómón ke lu se yó kem tau mnagaw. Okóm yó kem dou ubiha, là kô hnungol le kul.

Isikél 36:38

Yó kem syudad tolo gbà ni kmoen ni, angat baling bud hnok tau lómón yóm tehe kehnok ubiha bè Jirusalim ekni, yó kem ubiha tehe gel dsù le ebéléu bè yóm tehe gel kehligal le. Omin le yó he temngón du ou yóm sana kul Dwata hol gónó mogot.”

Isikél 34:1

Ominen wen bud udélen ebéléu yóm sana Dwata hol gónó mogot, monen,

Sikaraya 10:3

Yó udél Dwata, monen, “Tey sidek kebutu kul yó kem tau semgyok yó kem ubihahu, angat tnafaku lu yó kem tau gel malak kul yó. Yakà dengen kól yóm Dwata laen dù là gbeken du nan e sen-gyok yó kem kun ubiha, duhen yó kem tau Juda. Angat tey kehekgisen kul, lómón yó kem kudà kemgis gel nwit le bè gida.