Jirimaya 22:5 - Udél Dwata: Gna Kesfasad ne Lomi Kesfasad

⁵ Okóm ke là lolò ye du nim eles hetgamahu kuy ni, safau bélê ye angat gotu lemusok nim gónô bong ni.’ ”

Jirimaya 22:5 Referans Kwoze

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”

Hibru 6:13

Bè yóm tehe kmò Dwata du yóm fasaden ke Abraham ekni, hlanen bè yóm kun boluy mò hol hemget du, yakem wen se dumu geta sentahen, tek són du.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Tekang Kbuten 22:16

“Ni wen hol fasad mget fasadu kóm hlanu bè boluyu. Ou se Dwata mon du nim ni. Lemwót bè yóm deng nmoem ni, yóm là kngalihem du dou yóm tek sotu ngaem, tendo tnóbóngu uu.

Jirimaya 39:8

Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

Isaya 1:20

Okóm ke là nimón ye dou angat ye matay bè suk. Ou se Dwata nim mudél ni yóm Dwata hol gónó mogot.”

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

Hibru 3:18

Wen yóm alì mget tehe mon Dwata, yó monen, “Hol là gehlós le edu tum benwu mò gónó le angat hlós henek nô.” Tau du se gónón e gbak yóm udélen yó? Kaem gbak ebè yó kem tau là hdonen.

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Kem Lingón 95:11

Ya tey sidek kebutu kul, botonge smafà, monu, ‘Là kô ye gehlós edu yóm benwu blayu kuy, yóm benwu mò gónó ye henek nô.’ ”

2 Tutul Israél 7:22

Yó angat balà kem tau du, mon le, ‘Abay se deng knogol le Dwata yó kem kun tau yóm sana kul Dwata hol gónó mogot yó kem tehe fù le, yóm Dwata deng hewà kul gu bè Idyip. Deng le mom beklil ebè yó kem dwata kéng, lel le tmaba ebélê le. Yó se gónó Dwata mò du bélê le nim tey glumfàk le ni.’ ”

2 Tutul Israél 7:19

Okóm ke knogolem ou, ne ke là nimón ye du yó kem dou hlau kuy ne yó kem dumu dou hlolò kuy, ne ke tmaba ye ebè yó kem dwata kéng,

Matyu 23:38

Yó se gónó Dwata tódô mayà du yóm Gónóen lem blóng ye.

Jirimaya 26:4

Hol monem mò kul, ‘Ni se udél yóm sana Dwata hol gónó mogot, monen, ke là hnungol ye dou ne ke là lolò ye du yóm hlau deng hlolou kuy

2 Tutul Israél 7:21

Balù yóm tey keklóónen yóm Gónóu ni, kaem angat hegbau, baling sidek kton le du yó kem tau mlan bè yó. Angat tey sidek ketnga le, mon le, ‘Moen ni du ke alì hensidek Dwata yóm tonoken ne yóm Gónóen?’