Biblia Todo Logo
Bib sou entènèt

- Piblisite -




Jirimaya 22:3 - Udél Dwata: Gna Kesfasad ne Lomi Kesfasad

3 Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Gade chapit la Kopi




Jirimaya 22:3
49 Referans Kwoze  

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.


“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”


Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.


Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.


Okóm yóm benwu Idyip, angat baling benwu là hyu menwu du, dalang se yóm benwu Idom, angat laen kô dù bud tmowok du lemwót bè yóm deng kundug le yóm benwu Juda, gotu hnatay le yó kem tau laen dù salaen.


Ke wen tau móyô megsalù, yó dé salù le yóm ketngón le dou ne yóm ketnef le yóm dou kmò. Salù le ou dé yóm Dwata tedeng kkukumen ne tedeng kmoen. Ne yóm kbong nawahu tau là kóen monol. Ni kem ni koni gónóhu hligal. Ou se Dwata nim mudél ni.”


Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.


Hol béem nili yóm sana blóng legen duhen ke nwahem yóm tonok yó kem ngà hikit.


Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.


ne yóm tehe khatay Manasi yó kem tau laen dù salà le, botong lenngeben Jirusalim yóm litô le. Là kô gbek Dwata hmifót du yóm nmoen yó.


Lemwót yó kem tau genlal ne yó kem dumu tau nô bè yó, yó udél le ebè yó kem tau gel blóng le ebè Dwata ne ebè yó kem tugod Dwata, mon le, “Bê tekuy abay hnatay nim tau ni, abay se hlanen bè boluy yóm sana kut Dwata hol gónó mogot yóm tulónen.”


Tanayen kehegmón. Glewuhen tmulón kéng ne getluhen yóm monok là duón.


Ssotu atul le hemsidek yó kem tau tedeng, mom hatay kkukum le du yó kem tau laen dù salà le.


Botong hnatay le yó kem libun bolu ne yó kem tau milo, ne bnonok le kem ngà hikit.


Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,


‘Hol tnafak Dwata yóm tau ke nongoen yó kem tau milo elem blóng le, ne yó kem ngà hikit, ne yó kem libun bolu.’ Ne kdéen tau gotu hem-el du, mon le, ‘Tahu yó.’


Sal gel nfihen yó kem ngà hikit ne yó kem libun bolu. Kenbong nawahen se yó kem tólóng tau menwu lem blóng tekuy, benlayen lu ken ne nes.


Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.


Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”


Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.


Ni dii yóm kmò kfasting nóyóu. Hewà ye yó kem tau tódô blanggù laen dù salà. Ne bê ye bud hen-gnok yó kem tau mò nmò bélê ye. Hol henyu ye kmò ye ebélê le ne blay ye kul yóm deng leniteg le.


Gel henken ye yó kem tau bitil ne hnódó ye bè gónô ye yó kem tau élél laen dù gónó le nô. Benlay ye nes yó kem tau laen dù bang nes lesek le. Hol bê ye kenbê tmóbóng yó kem kuy dumu.


Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’


Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.


gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.


Okóm yó hol nóyóu bélê ye ke henlel ye mit du yóm kukum tedeng. Kehlingónu du yóm kehyuhen yóm kukum tedeng nwit ye yó, hol lómón yóm él tódô senflósen mlel.


Hol lenwaem lu lem tdok yó kem tau gel mò sidek.


Tau knoduhen kem dumun, là gel heglólóben du sandà yó kem tau élél. Là kóen na a mnagaw bè yó kem tau élél, mom gel benlayen yó kem bitil ne tódô gel benlayen nes yó kem tau élél.


Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.


Swiv nou:

Piblisite


Piblisite