Jirimaya 22:2 - Udél Dwata: Gna Kesfasad ne Lomi Kesfasad

² ‘Uu se yóm tau hol geta mogot yóm benwu Juda yóm sfu tehe Dabid, hol hnungolem nim udél Dwata ebéléem. Ne hol hfungolem kul ne yó kem genlalem dalang se yó kem dumu tau bè Jirusalim.

Jirimaya 22:2 Referans Kwoze

Kun Snulat Luk 1:32

Tey angat kegetahen, ne boluy le du Ngà yóm Dwata alì geta bè kdéen. Tódô henbaling Dwata tau hol geta, lómón yóm kegeta tehe fuen Dabid ekni.

Jirimaya 22:4

Ke lolò ye yóm hlolou kuy ni, tendo wen bélê ye semfu gu bè yóm tehe Dabid kmamal bè ni bè Jirusalim. Smakay kudà ne klitun tók yóm tau hol geta yó, mung du yó kem genlalen ne yó kem tau nogoten, mlan le bè bak tikeb nim gónô bong ni.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Amus 7:16

Duhen ni, hol hnungolem yóm udél Dwata. Gel monem, ‘Béen wen tugodem gbak ebè benwu Israél. Béen wen tulónem gbak eta yó kem tau Israél yóm kun sfu Isak.’

Isikél 34:7

Yó gónóm mon, yu kem tau tehe hesegyoku yó kem dou ubiha, hol hnungol ye yóm udél yóm sana Dwata hol gónó mogot.

Jirimaya 36:30

Ni se bud udél Dwata eta Jihuyakim bè Juda, monen, Laen kô dù sfuhen tles myón bè yóm tehe gónón myón kmamal Dabid. Ke deng hnatay le Jihuyakim tódô bot le lówóhen laen kô dù lembeng du, tódô gotu etahen yóm nóng kdaw alì kinì kemdaw ne yóm tey ketnawen ke kifu.

Jirimaya 29:20

Bud mon Jirimaya, “Yóm kdê ye deng negef ebè Babilun, hol hnungol ye yóm udélen ebélê ye Dwata.

Jirimaya 19:3

Yó tulónem kul, monem, ‘Yu kem tau hol geta mogot yóm benwu Juda ne yu kem tau bè Jirusalim, hol hnungol ye yóm udélen ebélê ye ni yóm Dwata laen dù là gbeken du, yóm sana kuy Dwata kem tau Israél. Yó udélen ebélê ye, monen, angat wen tey glumfak bong hwitu ebè nim benwu ni, anì yó kdê yó kem tau mungol du nim nmou ni, angat le tódô gotu teneng.

Jirimaya 7:2

“Mógówi ebè bak tikeb yóm dou Gónô, bè yóm bak tikeb gónó le gel husek tmaba ebéléu yó kem tau ne yó monem mò kul, ‘Ó kem tau bè Juda, hnungol ye yóm udél lemwót bè yóm sana Dwata hol gónó mogot. Hol hnungol ye yóm kdê ye gel tmaba Dwata bè ni.

Isaya 28:14

Yu kem tau heklabak malak yó kem tau bè ni bè Jirusalim, hol hnungol ye yóm udél Dwata ebélê ye.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Jirimaya 22:1

Yó udél Dwata ebè Jirimaya monen, “Lemwóti ne nam e mudél ebè tum tau hol geta mogot yóm benwu Juda, monem mò du,

Jirimaya 34:2

“Mógówi etu bè Sidikaya bè Juda tulónem du, ‘Ni se yóm udél Dwata yóm Dwata yó kem tau Israél, monen, Móyón hlusu elem hólól yóm tau hol geta mogot yóm benwu Babilun nim syudad ni ne angat gotu ntemen.