Jirimaya 22:12 - Udél Dwata: Gna Kesfasad ne Lomi Kesfasad

¹² Tódô matay bè benwu mayuk, là bud tonen du ne yóm hol kun benwu.”

Jirimaya 22:12 Referans Kwoze

2 Bok Kem Tau Hol Geta 23:34

Lemwót Faro Niku, nmoen Ilyakim yóm sotu ngà Jusaya logi mò tau hol geta bè Juda mò tles Jusaya yóm maen. Okóm tenlesen boluy Ilyakim, tlesen du Jihuyakim. Fen hdóhen Jihuhas, hwiten ebè Idyip ne ditu gónón matay.

Jirimaya 22:18

Yó gónóm mon, yó udél Dwata eta Jihuyakim yóm ngà Jusaya deng bud tles maen mogot yóm benwu Juda, monen, “Là kô wen fes lówóhen mkik du ke sok matay. Ne laen se dù kem tau nogoten kemmón du yóm katayen.

2 Bok Kem Tau Hol Geta 23:29

Yóm tolo kegeta Jusaya, lemwót Faro Niku yóm tau hol geta bè Idyip, mógów ebè Él Yufratis nan e tnóbóng yóm tau hol geta bè Asirya. Kewót Jusaya bè yó se kun, mung du yó kem sendaluen, nundugen lu. Okóm hnatay Faro Niku Jusaya bè yóm keston le bè Megidu.

Jirimaya 22:27

Là kô bud tonem du ne yóm benwu ye ne là kói bud gesfulék edu.

Jirimaya 42:18

Ni se udél yóm Dwata laen dù là gbeken du, yóm Dwata yó kem tau Israél, monen, ‘Deng koku eta yó kem tau bè Jirusalim yóm tey sidek kebutu kul. Hol lómón yó se angat bud nmou bélê ye ditu bè Idyip. Yó kem tau nô bè yó, angat baling kenhisik le yu, lel le hemmulà kuy lel le semlón kuy. Ne là kô bud ton ye du ne yóm kuy benwu.’