Jirimaya 22:1 - Udél Dwata: Gna Kesfasad ne Lomi Kesfasad

¹ Yó udél Dwata ebè Jirimaya monen, “Lemwóti ne nam e mudél ebè tum tau hol geta mogot yóm benwu Juda, monem mò du,

Jirimaya 22:1 Referans Kwoze

Jirimaya 34:2

“Mógówi etu bè Sidikaya bè Juda tulónem du, ‘Ni se yóm udél Dwata yóm Dwata yó kem tau Israél, monen, Móyón hlusu elem hólól yóm tau hol geta mogot yóm benwu Babilun nim syudad ni ne angat gotu ntemen.

Mark 6:18

Yó tehe bólów Jan du, monen, “Deng nuléhem yóm hlau tekuy yóm kalawem yehen twolihem yó.”

Amus 7:13

Béem abay bud hnala mi bè ni bè Bétél bè yó kem dê gel tulónem yóó. Abay se bè ni kun gónó tmaba Dwata yóm tau hol geta ne kul gónó tmaba Dwata yóm kdéen tau Israél.”

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

2 Tutul Israél 33:10

Wen udél Dwata ebè Manasi ne ebè yó kem tauhen, okóm là kô hnungol le du yó kem eles hetgamahen kul.

2 Samwél 12:1

Duhen yó, hógów Dwata Natan yóm tugoden, ebè Dabid. Yóm kkól Natan bè yó, monen mò ke Dabid, “Wen lewu tau nô bè yóm sotu benwu. Yóm sotu, wen kendengenen, ne fen élél yóm sotuhen.

Jirimaya 22:2

‘Uu se yóm tau hol geta mogot yóm benwu Juda yóm sfu tehe Dabid, hol hnungolem nim udél Dwata ebéléem. Ne hol hfungolem kul ne yó kem genlalem dalang se yó kem dumu tau bè Jirusalim.