Jirimaya 20:5 - Udél Dwata: Gna Kesfasad ne Lomi Kesfasad

⁵ Ne yóm kdê kendengen ye bè Jirusalim gotu hegefu yó kem hohon ye. Yóm kdê kendengen alì mebtes lem nim syudad ni, kem ngom yó kem tau hol geta bélê ye yóm wen botu sminang alì mebtes nô du, dalang se yóm tahu blówón ne blówón bukay le, gotu negef le lu ebè Babilun.

Jirimaya 20:5 Referans Kwoze

Jirimaya 15:13

Lemwót bè yó kem salà le béléu yó kem dou tau, angat hwahu yó kem hohon le yó kem kendengen le ne yó kem kimu legen le.

2 Tutul Israél 36:10

Bè hanà kbut yóm halay tmodol, hfangay Nibukadnisar Jihuyakin ne nwit le ebè Babilun. Bè yóm kdaw yó, tey dê kimu legen alì mebtes nô lem Gónô Dwata negef le ebè Babilun. Omin Nibukadnisar mélék ke Sidikaya yóm mà dì Jihuyakin, mò tles tau hol geta bè Juda ne bè Jirusalim.

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Jirimaya 39:8

Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

Jirimaya 39:2

Botong lewu halay sóól kegen le smibut du, ne tódô genbà le yóm beng hmilol Jirusalim. Bè yóm kegbà le du yó, deng sfolò sotu halay bud fat bulón bud syóm kdaw Sidikaya ne deng kmamal bè Juda.

Jirimaya 3:24

Lemwót bè hanà kngà me, tendo ton me yóm klanahen bè yó kem tehe fù me yóm kdê leniteg le lan le lemolò yóm kéng. Yó kem ubiha ne safì le ne yó kem ngà le logi ne ngà le libun, gotu lana bélê le lan le lemolò yóm kéng.

Jirimaya 32:24

Hnénégem dé yóm deng nmò yó kem hohon me tódô genbà le yóm beng lemibut yóm syudad ni anì gusek le elemen. Angat btang elem hólól yóm tau hol geta mogot yóm benwu Babilun nim syudad ni mlan bè gida ne bè bitil ne bè des. Kdê yó kem deng tehe monem, deng gotu dohò ne.

Husiya 13:15

Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.