Jirimaya 20:4 - Udél Dwata: Gna Kesfasad ne Lomi Kesfasad

⁴ Yakà ni du yóm udél Dwata ebéléem, monen, angat tey sidek kehlikou kóm dalang se yóm kdê weem. Kóm mata se angat mton du yóm ktibó kem hohon ye kul sudeng yó kem weem. Angat blayu lu elem hólól yóm tau hol geta mogot yóm benwu Babilun yó kem tau bè Juda. Wen se bélê le negefen etu bè Babilun ne wen se bélê le matay bè sudeng.

Jirimaya 20:4 Referans Kwoze

Jirimaya 29:21

Ni se udél yóm Dwata laen dù là gbeken du yóm Dwata yó kem tau Israél, udélen ebè le Ahab yóm ngà Kulaya logi ne ebè Sidikaya yóm ngà Maasiya logi, kem tau lembù tmugod du gel hlan le bè boluyen yóm kéng gel tulón le. Yó udél Dwata ebélê le, monen, suu lu elem hólól Nibukadnisar mò hol hmatay kul lem blóng tau.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Jirimaya 52:27

Ne bè yó bè Ribla bè tonok Hamat, gotu hfatayen lu yóm tau hol geta bè Babilun. Duhen yó, gotu negef le lu mayuk yó kem tau bè Juda, tnagak le yóm kul benwu.

Jirimaya 19:15

“Ni se udél yóm Dwata laen dù là gbeken du, yóm sana kuy Dwata kem tau Israél, monen, angat wen tey heglumfaku du yóm syudad ni dalang se yó kem benwu hmilol du, hol lómón yóm deng monu mò kuy, abay se tey mgel kulu ye, là kô hnungol ye dou.”

Jirimaya 6:25

Hol bê tekuy abay mógów ebè yó kem tonok gónó tekuy mò hulu. Dalang se ebè yó kem lan, bê tekuy abay mlan edu, abay se deng le eles nô bè klamangen yó kem hohon tekuy. Deng le eles htigel hmatay kut. Balù kihu gónó tekuy nô, sana tendo sidek klikò tekuy.”

Kem Lingón 73:19

Tódô le kendel meglà, ne tey sidek yóm gónó le e kól.

2 Bok Kem Tau Hol Geta 25:7

Gotu hnatay le yó kem ngà Sidikaya logi yóm igoen temngel kul. Omin le hsit mata Sidikaya ne nfét le kedina, nwit le ebè Babilun.

1 Samwél 2:33

Bede wen sotu hlowilu bè fes lówóhem mò blóng tau ebéléu, bede senflósen mkik ne langag bè yóm klawihen mowil. Bong yó kem dumu fes lówóhem angat le matay bè sudeng.

Jirimaya 20:6

Bong kóm, Pasyur, dalang se yó kem fes lówóhem gotu negef le yu etu bè Babilun snéen. Ditu angat tódô gónóm matay ne angat gónó le lembeng kóm, mung kóm yóm kdê weem deng gónóm tmugod kéng, yóm kmonem du laen dù hemen ye.”

Jirimaya 52:24

Lemwót Nibusaradan yóm kmandér bè yó kem sendalù Nibukadnisar, gomong kenfóen Siraya yóm hol geta bè yó kem tau gel blóng ebè Dwata, mung du yóm tau smugung béléen boluyen Sifanaya. Bud kenfóen snéen yóm tlu kem geta bè yó kem tau gel mentey bè bak tikeb yóm Gónô Dwata.