Jirimaya 20:2 - Udél Dwata: Gna Kesfasad ne Lomi Kesfasad

² yó nmoen, hekfóen Jirimaya yóm tugod Dwata, ominen hfes du ne hféten moni bè yóm bak tikeb boluy le du Bak Tikeb Bindyamin bè Gónô Dwata.

Jirimaya 20:2 Referans Kwoze

Jirimaya 37:13

Okóm tikóng kól bè Bak Tikeb Bindyamin, wen sotu tau mentey bè yó kemfô du boluyen Iriya yóm ngà Silimaya logi ne témê Hananiya. Yó monen mò du yóm tau mentey yó, “Uu se sotu tau deng mung bè yó kem sendalù Babilun.”

Sikaraya 14:10

Yóm klamangen tonok lenwóten bè Giba fi bwak Juda efet kól bè Rimun fi leged Jirusalim, angat gotu sendatalen. Okóm yóm syudad Jirusalim, sana kdaen bè yóm kun gónó mdà malù geta. Yó klamangen, lenwóten bè Tikeb Bindyamin efet kól ditu bè yóm tehe gna tikeb ne efet kól ditu bè Tikeb Sokok ne bud lenwóten bè Gónô Tahà Hananél efet kól ditu bè gónó le gel mò tifas grép bè gónô yóm tau hol geta.

Jirimaya 1:19

Angat natù le uu, okóm là kô gbek le kóm. Yakà tendohe nô béléem ne tendo kenlungu uu. Ou se yóm sana Dwata hol gónó mogot nim mudél ni.”

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

Jirimaya 36:26

Okóm mom yó nmoen, dóken Jiramil yóm ngaen logi ne Siraya yóm ngà Asril logi ne Silimaya yóm ngà Abdil logi, anì kenfô le Baruk lewu le Jirimaya. Okóm deng bnos Dwata lu.

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

2 Tutul Israél 24:21

Okóm natul hnatay le Sikaraya yó kem tmuha gel malak, dalang se ke Juas yóm tau hol geta, gloken mdók kul anì sentudà le botu bè yó bè lósól yóm Gónô Dwata efet matay.

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Kul Nmò 5:40

Tahu se, nimón yó kem dumu tau hol geta mogot kukum yóm udél Gamaliyél yó. Omin le bud htaba kul elemen yó kem hógów Jisas na le na habid hfes lu. Tey kget kmon le du mò kul hol bê le abay bud sentbong bè kem tau yóm boluy Jisas. Omin le yó hefewà kul.

Kul Nmò 5:18

tódô hekfô le lu, ne heblanggù le lu.

Kul Nmò 4:3

Yó gónóm mon, tódô kenfô le lu le Pitér ne sù le lu lem blanggù efet kól haya, abay se deng kimel yóm kekfô le kul.

Matyu 21:35

Timbow le kól ditu yó kem tau dóken, deng mom yó nmò le bélê le, tódô sensogot le lu. Tey sidek kboug le yóm sotun, ne hnatay le yóm sotuhen, ne sentudà le botu yóm sotuhen.

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

2 Tutul Israél 18:23

Omin Sidikaya ngà Kinaana tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

Job 33:11

Lómón ke nféten o bè tihu ne gotu hnénégen nô kdólu.’

1 Bok Kem Tau Hol Geta 13:4

Tey sidek kebut Jirubuam du yóm tau Dwata yó lemwót bè yóm udélen eta yóm gónó demsù. Yó gónón temdok du ne hetê, monen, “Kenfô ye yóm tau yó.” Okóm tódô kendel tudel sigel yóm tau hol geta, là kô bud gebkuten du.

Jirimaya 26:10

Timbow gungol yó kem tau genlal bè Juda yóm nmò le bè Gónô Dwata yó, tódô le kendel lemwót bè yó bè gónô bong yóm tau hol geta bélê le, kendel le mógów ebè yóm Gónô Dwata ne gotu le myón bè yóm Lomi Bak Tikeb bè yó bè Gónô Dwata bè yóm gónó le gel kmukum.

Jirimaya 37:21

Tahu se, là bud hulék Sidikaya ke Jirimaya lem yóm blanggù laan tonok. Yó gónón kmukub du bè talak lósól yóm gónô bongen bè yóm gónóhen nô yóm tau gel mentey bè yó. Bud wen sotu tau dóken anì gel benlay le sotu mambang tahà ket kdaw lemwót bè yó kem tau gel mò mambang. Tódô hlós kmò le du nim ni efet laen dù bud mambang le. Duhen yó, tódô hlós nô bè yó Jirimaya bè lósól yóm gónô bong bè yóm gónóhen gel nô yóm tau gel mentey bè yó.