Jirimaya 20:12 - Udél Dwata: Gna Kesfasad ne Lomi Kesfasad

¹² Ó Dwata yóm laen dù là gbeken du, tngónem se kóm yó kem tau tedeng kmoen, gel henklolem yóm nô lem but blutut le ne nô lem hendem le. Htonem do dé yóm fen kbelesem, yakà deng suu du lem hólólem yóm dou klowil.

Jirimaya 20:12 Referans Kwoze

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kem Lingón 54:7

Yakà deng lenwaem ou bè kdê yó kem gfau, ne deng tódô ton matahu yóm klaen dù gmò yó kem hohonu.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Kem Lingón 59:10

Lemwót bè yóm là konol yóm kbong nawan dou yóm dou Dwata, dohò yóm ksuten mò tmóbóng dou. Htonen dou yóm là kegmò le yó kem hohonu.

Kem Lingón 139:23

Hol henklolem o, Dwata, hol tenngelem yóm nô lem nawahu. Hol tilówem o anì tngónem yóm nô lem hendemu.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

Jirimaya 17:18

Yóm kdê tau tendo hmayam do ni, hol henyakem lu ne hol benlayem lu klikò. Okóm benlayem ou kenek nawa yó dum do. Tahu se, Dwata, hol tennuem yóm hegfaem kul.

Isaya 37:14

Timbow gefet bè Hisikaya yóm sulat yó koni, ominen semfala du. Deng kesfalahen du tódô nwiten ebè Gónô Dwata, hlasaen bè yó bè solu Dwata,

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

Kem Lingón 86:4

Hol benlayem ou kligal, Dwata, yakà ebéléem du tendo gónóhu e mni.

2 Tutul Israél 24:22

Là kô hendem Juas du yóm tey kehyu nawa Jihuyada ebéléen yóm mà Sikaraya, mom hnatayen yóm ngaen. Bè yóm katay Sikaraya, yó monen, “Ton Dwata he yóm nmò ye ni, ne du meles kuy.”

1 Samwél 1:15

Bnalà Hana se, monen, “Là Sér, là kóe lengel. Laen dù deng ninumu. Okóm wen gónón sidek kegnómu du ne hotuhu nawahu mni du ebè Dwata.

Kem Lingón 58:10

Bong yó kem tau tedeng, angat tey kehligal le kul ke ton le yóm kbeles Dwata kul yó kem tau là tedeng kwit le kukum. Angat nolob le ti le bè litô yó kem tau gel mò sidek deng hnatay le.