Jirimaya 20:1 - Udél Dwata: Gna Kesfasad ne Lomi Kesfasad

¹ Wen sotu tau gel blóng ebè Dwata nô bè yó boluyen Pasyur ngà Imér. Du fen mogot du yóm Gónô Dwata. Bè yóm kungolen du yóm udél Jirimaya

Jirimaya 20:1 Referans Kwoze

2 Bok Kem Tau Hol Geta 25:18

Negef yóm kmandér yó snéen Siraya yóm geta bè yó kem tau gel blóng ebè Dwata, ne Sifanaya yóm geta tmodol bè Siraya, ne yóm tlu gel mentey bè bak tikeb yóm Gónô Dwata.

Kul Nmò 5:24

Timbow gungol yó kem geta gel demsù ebè Dwata ne yóm kfitan bè yó kem tau mentey bè Gónô Dwata, ya tey sidek ketnga le, sónmò le hemdem du yóm mò kmoen.

Kul Nmò 4:1

Bè yóm igò le Pitér ne Jan tolo mudél ebè yó kem tau deng stifun bè yó lem Gónô Dwata, sut bélê le yó kem tau gel demsù ebè Dwata, mung kul yóm kfitan bè yó kem tau gel mentey bè Gónô Dwata, ne wen se bè yó kem Sadyusi.

2 Tutul Israél 35:8

Yó kem genlalen, bud lemwót lem but blutut le se kul yó kem kul blay ebè yó kem tau, ne ebè yó kem tau gel blóng ebè Dwata ne bè yó kem sfu Libay. Bong kul le Hilkaya ne Sikaraya ne Jihiyél kem genlal fen mogot yóm Gónô Dwata, yó kul blay ebè yó kem tau blóng ebè Dwata mò dsù bè Kdaw Khius, botong lewu libu bud nem latu ngà ubiha ne ngà kambing, ne tlu latu safì tudu.

Jirimaya 20:6

Bong kóm, Pasyur, dalang se yó kem fes lówóhem gotu negef le yu etu bè Babilun snéen. Ditu angat tódô gónóm matay ne angat gónó le lembeng kóm, mung kóm yóm kdê weem deng gónóm tmugod kéng, yóm kmonem du laen dù hemen ye.”

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

Jirimaya 37:15

Ya tey kebut le ke Jirimaya yó kem genlal efet hfes le ne bnanggù le lem gónô Junatan yóm tau fen gel smulat bélê le bè kukum. Yóm gónóen yó deng nmò le mò gónô blanggù.