Jirimaya 2:8 - Udél Dwata: Gna Kesfasad ne Lomi Kesfasad

⁸ Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Jirimaya 2:8 Referans Kwoze

Hbakuk 2:18

Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

Kun Snulat Jan 16:3

Yó gónó le angat mò du bélê ye ni kem ni, abay se là tngón le ke Mà, ne là tngón le do snéen.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kun Snulat Jan 8:55

Okóm là kô deng tngón ye du. Fen tngónu dou. Ke tô monu là tngónu du, denge mkél bè yóm kmò ye kéng. Hol tahu tngónu dou, ne tendo nimónu.

Kun Snulat Luk 11:52

Angat tey tafak ye, yu kem tau gel tmolok hlau. Ten-geed ye hemseng du yóm tahu lan ebè Dwata. Là dog lolò ye du se kuy yóm lan yó, lel ye yó he hemseng yó kem tau tô lemolò du.”

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Jirimaya 7:8

Ngem, deng ye mom smalig bè yó kem udél kéng, yóm gel mon le laen dù tau hemsidek kuy ke wen Gónô Dwata nô lem blóng ye. Kéng yóm yó.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Isaya 30:5

Tey kegsel yó kem tau Juda bè yóm deng ksalig le yóm benwu laen dù genléd nawam du. Hendón le ke dohò yóm któbóng le kul, okóm là.”

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

1 Bok Kem Tau Hol Geta 18:40

Omin Ilaydya mdók yó kem tau, monen, “Kenfô ye lu yó kem tugod Baal. Hol béen wen sotu bélê le fen mlóy.” Tahu se, gotu kenfô le lu, ne nwit Ilaydya lu mosol ebè Él Kison, ne bè yó gónóhen hmatay kul.

1 Bok Kem Tau Hol Geta 18:29

Tódô kkól le kimel tmaba ne mensag efet kól bè yóm uras le gel demsù kimel. Okóm laen kô dù malà kul, balù udì ke wen gungol le.

1 Bok Kem Tau Hol Geta 18:22

Ne yó bud mon Ilaydya mò kul, “Tek són ou yóm dù tugod Dwata tebel, okóm fen fat latu limu folò kun tugod Baal.

1 Samwél 12:21

Bê ye abay bud semfulék tmaba ebè yó kem dwata kéng laen dù muhen. Là gbek le tmóbóng kuy ne là gbek le lemwà kuy abay se tahu laen dù mu le.

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

Jirimaya 9:14

Mom yó nmò le, hgel le kulu le ne tmaba le ebè yó kem dwata lennged boluyen Baal, yóm deng hlolò le kul yó kem tehe fù le.

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Isikél 34:2

“Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.