Jirimaya 2:7 - Udél Dwata: Gna Kesfasad ne Lomi Kesfasad

⁷ Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.

Jirimaya 2:7 Referans Kwoze

Lista 13:27

Yó tulón le ke Musis, mon le, “Deng gotu bniwel me yóm klamang benwu Kanan gónóm e hógów kum, ton me tey tilob tonoken ne tey mabù kem huluhen. Ni dé yó kem dumu bungu koyu nwit me gu ditu.

Isikél 36:17

“Ó Tau Tonok, bè yóm tehe knô le bè yóm kul benwu yó kem tau Israél, gholuhen benwu le yó kem sidek gel nmò le. Kehlingónu du yóm alì ksideken yóm kmò le lómón yóm nes bolok tódô tfeng litô.

Mika 2:10

Yó ne, mdó ye yu kem tau gel hemgnok yó kem tau élél. Sundu kuy tonok du yóm ni ne là kô kuy gónô du, abay se deng golu bè yóm deng nmò ye tahen, yó gónón gbà.

Nihimaya 9:25

Deng gwa yó kem tauhem yó kem syudad alì mbegel ne yó kem tonok alì tembas. Gwa le snéen yó kem gónô deng tódô ket du nô lemen ne eles mdengen se kokol le. Tódô glo le bè yó se yó kem tey genged bungu koyu, kem bungu grép ne yó kem bungu koyu ulib ne yó kem dumu koyu mungu. Laen dù gónó le élél bè ken, yó gónó le gotu baling mabù. Tey gsengel nawa le du yóm kdéen hyu deng blayem kul.

Dwata 6:18

Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.

Jirimaya 32:30

Yó kem tau bè Israél ne tau bè Juda tódô lemwót bè kbuten laen kô dù dumu nmò le són sidek. Deng hebut le ou bè yó kem sidek gel nmò le,” mon Dwata.

Dwata 32:9

Yakà deng néléken du yó kem sfu Jakub mò kun nfun.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Isaya 19:25

Ne tey któbóngen kul yóm Dwata laen dù là gbeken du yó kem benwu yó. Ne yó udélen ebélê le, monen, “Tnóbóngu yu kem tau Idyip kem dou tau. Ne tnóbóngu yu snéen kem tau Asirya kem dou tau tehe nifil. Ne bud tnóbóngu yu kem tau Israél kem dou tau tehe nélék.” Là gomongen bè nili yóm tsaptér 20 kól bè 24. Yó htulón Dwata ke Isaya bè ni kem tsaptér ni yóm kegbà benwu. Monen bè bérs 5, “Glayam yóm klamang benwu lemwót bè salà yó kem tau nô tahen, abay se deng gotu senkban le yóm kun hlolò Dwata, nulé le yó kem hlauhen ne genbà le yóm tehe kesfasad le laen tul sónen. Yó gónóm mon, megtafak tonok gomong kem tauhen. Gotu lana bélê le yóm kdéen, gotu mlób bè ofi. Là buden dê tau tebel mowil.” Okóm yó kem dù tebel yó, gotu le hemsag ne semngal bè yóm tey kligal le. Monen bè bérs 16, “Hnungol ye lu bè yóm tey kesngal le ebè Dwata lemwót bè són tonok. Hnungol ye yóm kdóyón le yóm Dwata Hol Tedeng Kmoen mlan bè kesngal le.” Monen bè tsaptér 24:21-23, “Bè yóm kdaw yó gotu tnafak Dwata yó kem gel hógówen gu bè longit deng mung ke Seitan. Bud tnafaken yó kem tau hegmón kmamal yó kem but tau talak tonok. Gotu senbungen lu ne gotu suen lu lem blanggù efet le golu elem hatay. Ominen yó myón bè yóm gónón myón kmamal bè Bulul Sayun yóm Dwata laen dù là gbeken du. Tey minggel kwiten du yóm benwu Jirusalim. Lemwót bè yóm tey ktiloben lómón ke kmanas yóm layag kdaw ne bulón.”