Jirimaya 2:3 - Udél Dwata: Gna Kesfasad ne Lomi Kesfasad

³ Bè yó kem kdaw yó, deng hetfingu yu ebéléu yu kem tau Israél. Yu se yó kem hol ngau twogu. Ke wen tau tehe hemsidek kuy sal gel wen glumfak hwitu ebélê le. Ou se yóm sana Dwata hol gónó mogot nim mudél ni.’ ”

Jirimaya 2:3 Referans Kwoze

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Isaya 41:11

Angat le mulék myak yó kem tau gel kmutó nawa kuy lemwót bè yóm klaen dù gmò le bélê ye. Yó kem tau mit sfatay bélê ye, angat le matay.

Sulat Pol Ebè Yó Kem Tau Hemtahu Bè Rom 11:16

Ke hlingónu du yó kem Ju, lómón ke mambang tnilós blay le ke Dwata. Ke Dwata funen yóm hol tanay tilósen, bud nfunen snéen yóm duen. Lumun tu se kfunen yó kem tau Ju, abay se kun funen yóm hol gónó le gu semfu duhen yóm tehe Abraham. Sotu gónó tekuy e hmingón kul yó kem Ju, lómón ke koyu nfun Dwata. Ke nfunen yóm hol buten, gomong nfunen snéen kem hangahen.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Ifisus 1:4

Gu laan Dwata là deng dmimun du he yóm benwu, deng kem gegna ne yóm kéléken tekuy mò kun tau, hlanen bè yóm deng kessotu tekuy bè Krays. Yó gónón mélék tekuy anì henbalingen tekuy kem tau mólós, kem tau laen dù belenen bè ktonen tekuy.

Jirimaya 12:14

Yó udél Dwata, monen, “Ni se udélu ebè yó kem tólóng tau sidek nmò le deng tô mled yóm tonok tehe blayu bè yó kem dou tau Israél. Angat gotu kendutu lu ta yóm kul tonok lómón yóm angat kekdutu yó kem tau bè Juda ta yóm kul tonok.

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Sulat Pol Ebè Yó Kem Tau Hemtahu Bè Rom 16:5

Tey gel kehedemu kul snéen yó kem tau gel stifun tmaba Dwata bè gónô le. Sotuhen, Épinitus, yóm sotu dumuhu sogot nawa, tey gel kehedemu du. Du se hol tanay tau hemtahu bè Krays bè prubinsya Asya.

Sikaraya 1:15

Okóm yó du kem tólóng benwu laen dù hemen le ne menek kbenwu le, tey kebutu kul. Yóm kebutu yó kem dou tau, olon udì. Okóm yó du kem tólóng benwu, tey gulé ktafak le kul.

Juwél 1:3

Nim gfà tekuy ni, hol tulón ye yó kem ngà ye anì bud lu tmulón du bè yó kem kul ngà ne efet kól bè yó kem bud lugod le.

Jirimaya 30:16

Okóm bè yóm kdaw kwitu kuy semfulék yó, kdê yó kem tau gemlà kuy bud wen gemlà kul se kul. Kdê yó kem hohon ye bud wen se megef kul. Kdê yó kem tau muku kimu ye, bud wen se muku kimu bélê le. Kdê yó kem tau mundug kuy, bud wen se mundug kul.

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Jirimaya 2:4

Ó kem tau Israél kem tau sfu Jakub, hol hnungol ye yóm udélen ebélê ye Dwata.

Hbakuk 1:11

Ke deng gotu genbà le yóm sotu benwu, omin le tódô miwes lómón kbel lenos són ktonem kul. Okóm hono kem tau mò sidek, nmò le dwata le yóm kgis le.”