Jirimaya 2:2 - Udél Dwata: Gna Kesfasad ne Lomi Kesfasad

² “Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Jirimaya 2:2 Referans Kwoze

Jirimaya 11:6

Omin Dwata bud mon du, “Mógówi ebè yó kem benwu bè Juda ne ebè yó kem lan bè Jirusalim, heglalagem yóm udélu, ‘Hol hentulón nawa ye yóm deng tehe senfasad me yó kem tehe fù ye ne hol lolò ye yóm deng kul fasad dou.

Jirimaya 7:2

“Mógówi ebè bak tikeb yóm dou Gónô, bè yóm bak tikeb gónó le gel husek tmaba ebéléu yó kem tau ne yó monem mò kul, ‘Ó kem tau bè Juda, hnungol ye yóm udél lemwót bè yóm sana Dwata hol gónó mogot. Hol hnungol ye yóm kdê ye gel tmaba Dwata bè ni.

Husiya 2:15

Ke deng semfulék ebéléu, angat bud huléku ebéléen yó kem tehe gónón mulu grép. Ne yóm benwu boluy le du Datal Gónô Glayam, angat henbalingu benwu gónón lemwót yóm kwen nefet nawahen. Bè yó angat gónón bud semfulék ebéléu lómón yóm tehe nmoen bè yóm hanà kegenen lomi libun bè yóm tehe kehewau du gu bè Idyip.”

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kehewà 14:31

Timbow ton yó kem tau Israél yóm tey kfasang Dwata bè yóm deng kegmoen bè yó kem tau Idyip, tey klikò le du. Botong snalig le Dwata ne Musis yóm tau tóbóng lówóhen.

Matyu 11:15

Yóm tau wen klinguhen, hol hmungol.”

Kun Snulat Luk 12:13

Wen sotu tau mudél ebè Jisas, hebkó lem blóng yó kem tey tau sbung, monen, “Ó Sér, sentulónem dou dé yóm twoguhu anì numunen ou bè yó kem kimu tehe tebel mà bélê me.”

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Jirimaya 19:2

Mógów ye etu bè Datal Ben Hinom, mlan ye bè yóm Bak Tikeb Kébéng. Bè yó gónóm tmulón du kul yóm tulónu kóm.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Kem Udél Hlalak Tehe Selumun 1:20

Yóm khulung hedem lómón ke tau tendo tmaba ebè yó kem gónón alì wen tau bè kem lan ne bè yó kem gónô slong abay se móyô ke wen tau hmungol udélen.

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Deng Hegfan 2:4

Bede wen se yóm kenbéu bélê ye. Yó kenbéu bélê ye yóm tey kbong nawa ye do bè kbut yóm kehtahu ye deng mom monol.

Kem Lingón 129:1

Lemwót bè hanà kudiu yóm tendo kehsidek le do yó kem hohonu, ni se yóm mon yó kem tau Israél,

Jirimaya 2:1

Yó bud udél Dwata ebéléu mon Jirimaya,

Husiya 2:7

Ke sok tô bud mlóy kemtes yó kem logi tehe gónóhen mung, là kô bud gafiten kul. Tey tô kebelen kul, okóm là bud tonen kul. Ominen angat mon du, ‘Tumù nawaw bud mulék ebè tum sana dou yehen abay se hyu klowilu bè yóm kdaw yó, olo yóm kmou ni.’

Dwata 33:3

Yóm Dwata, tey kbong nawahen kul yó kem kun tau, gotu le nô lem hólólen yóm kdê le. Tódô lolò le yóm kun klan ne henmóyô le yó kem hloloen kul.

Husiya 2:17

Là bud htóngu du bè sumóng ye ne yó kem kun boluy Baal ne là se bud bnoluy ye kul ne.

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.