Jirimaya 2:16 - Udél Dwata: Gna Kesfasad ne Lomi Kesfasad

¹⁶ Yó kem tau Idyip lemwót bè benwu Mimfis ne bè benwu Tefanis, deng gotu kó le bè yó kem tau Israél yóm któtól le ne kfasang le.

Jirimaya 2:16 Referans Kwoze

Dwata 33:20

Yó udél Musis gbak ebè yó kem sfu Gad, monen, “Hol dóyón tekuy Dwata, yóm deng hlamang yóm kul tonok yó kem sfu Gad. Ke hningónu lu, hol le skél bè yóm liyun fen mangat bè lan, mebel kenfóen. Msék le sigel, duhen ke sigu.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

2 Bok Kem Tau Hol Geta 23:33

Heblanggù Faro Niku Jihuhas bè Ribla bè tonok Hamat anì là buden mogot benwu bè yóm knóen bè Jirusalim. Yó hbayad Faro Niku yóm benwu Juda, botong tlu libu fat latu kilu blówón bukay, ne tlu folò fat kilu tahu blówón.Lemwót Faro Niku, nmoen Ilyakim yóm sotu ngà Jusaya logi mò tau hol geta bè Juda mò tles Jusaya yóm maen. Okóm tenlesen boluy Ilyakim, tlesen du Jihuyakim. Fen hdóhen Jihuhas, hwiten ebè Idyip ne ditu gónón matay.

2 Bok Kem Tau Hol Geta 18:21

Ngem, tô snalig ye yó kem tau Idyip kô? Ke yó tô snalig ye, hol lómón ke tmuged ye seben mufê gotu hnalien ke wen tmuged du. Lómón yó se kmoen yóm tau hol geta bè Idyip ke wen smalig béléen.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.