Jirimaya 2:13 - Udél Dwata: Gna Kesfasad ne Lomi Kesfasad

¹³ “Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Jirimaya 2:13 Referans Kwoze

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Kem Lingón 36:9

Uu se gónón tembul yóm kdéen mowil. Lemwót bè layagem, Dwata, gónó me lemwót mton.

Deng Hegfan 22:1

Omin yóm hógów Dwata tmolok du do yóm tey él tikaw sminang mlel bè yó, yóm mon le, él hlowil tau. Tódô mlel lemwót gu bè yóm bangkù gónón myón kmamal Dwata lewu le yóm Ngà Ubiha,

Isaya 55:2

Moen ke gotu namà ye filak ye bè yóm gónón là gsengel nawa ye? Moen ke gotu namà ye sukéy ye ne deng ye mom bud mulék bitil sentahen? Ni hol hnungol ye ou ne hol nimón ye yóm monu. Nénég ye ke là wen kligal ye mken du yóm ken hol hyu bè kdéen.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 1:16

Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

1 Samwél 12:10

Omin le yó bud hkodu mni bè Dwata anì tnóbóngen lu. Yó udél le ebè Dwata, mon le, ‘Ó Dwata, deng me gemsalà béléem abay se deng knogol me uu ne deng me mom tmaba ebè yóm dwata lennged boluyen Baal ne bè Astarti. Okóm ni, ke hol lenwaem mi bè yó kem hohon me ne són uu ne bud gónó me e tmaba.’

Jirimaya 2:26

Yó udél Dwata, monen, “Yóm tau mnagaw, tey sidek kyaken ke gekfô. Lómón yó se kuy kem tau Israél, angat tey sidek kyak ye bè yóm kekfóu kuy yóm kdê ye, gomong yó kem tau hol geta bélê ye ne yó kem genlal ye ne yó kem tau gel blóng ye ebéléu ne yó kem tau tugodu, angat tey sidek kyak le.

Mika 6:3

Ó kem dou tau, tedu se deng nmou bélê ye du ke deng mom knogol ye ou? Bnalà ye o, tedu se deng nmou gónóhu htakas kuy du?

Mika 2:8

Ni se balaen kuy Dwata, monen, “Efet nim kmoen ni, hol lómón ke hohon ye o lemwót bè yóm gel nmò ye bè yó kem dou tau. Botong hnékét ye yó kem tau mius bè lan, gnaga nwa ye nes le yó kem tau deng smalig kuy. Yóm nmò ye yó, lómón nmò yóm sendalù gemmò bè gida.

Jirimaya 18:14

Yó kem bulul geta alì bnotu bè Libanun, deng wen kdawen kô laen dù snu nô ta le? Laen duen. Yó kem él mlel alì sidek ketnawen semfut bè yó, deng wen kdaw le kti kô? Là he, kaem tódô senflósen.

Kehedem Tau Tmolok 12:8

Yó udél yóm tau smulat du nim ni, monen, “Laen dù gónón e kól yóm kdéen. Laen kô dù gónón e kól.”

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

Kun Snulat Jan 4:11

Bud mon yóm libun yó, “Laen sem dù timbà nitem du, Sér, lelen alì ngelem nim kokol ni. Gónóm tô ma du se yóm él monem yó koni?

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Isaya 12:3

Yóm kul kligal yó kem tau deng lenwà Dwata, hol lómón kligal yóm tau alì sidek kleengen ke minum él tnaw.”

Jirimaya 14:3

Yó kem tau wen kendengen le, dók le yó kem tóbóng lówó le anì na le e mebel él. Tahu se, mógów le ebè yó kem kokol, okóm laen kô dù bud él ton le. Bud nit le mulék laen dù lem yó kem tô nlem le. Tey sidek kegnóm le du ne tey kesbeweg le, botong lenimun le kulu le lemwót bè yóm sidek kegnóm le du.

Jirimaya 19:4

Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.

Isikél 47:1

Lemwót yóm tau hógów Dwata mit do yó, bud nwiten ou semfulék ebè bak dól yóm Gónô Dwata. Wen él tonu bè yó mlel laan yóm bak dól bè Gónô Dwata, bede mlel fi leged yóm bak dól yó ne hlós mlel etu fi dmata kdaw, loloen yóm gónón e smolu yóm Gónô Dwata. Niusen yóm gónó demsù, bede mlel fi legeden.

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.

2 Bok Kem Tau Hol Geta 22:17

Lemwót bè yóm deng ktebel le do yó kem tauhu, ne deng le tmaba ebè yó kem tólóng dwata lennged, kem dwata nmò tdok le, yó se gónóhu alì lembut kul. Lenbutu nim benwu ni, ne là kóen teflok yóm kebutu du.’

Isaya 1:4

Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.