Jirimaya 2:11 - Udél Dwata: Gna Kesfasad ne Lomi Kesfasad

¹¹ Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Jirimaya 2:11 Referans Kwoze

Sulat Pol Ebè Yó Kem Tau Hemtahu Bè Rom 1:23

Là kô dog hentahu le du yóm Dwata laen dù tul katayen. Deng mom yó hentahu le yóm dwata kéng kul lenbù nmò. Wen heskél le bè tau, igoen mahil matay yóm tau. Wen se heskél le bè onuk koyu, wen se bè ógóf, wen se bè ulal.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

Kem Lingón 106:20

Deng mom tles le yóm Dwata le alì geta yóm lennged safì tudu mótób yó kem bnes.

Mika 4:5

Baluen he ke hemtahu le bè yó kem dwata kéng yó kem benwu hmilol kum, okóm kum són Dwata yóm kum lolò ne laen kô dù tul sónen.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Jirimaya 2:8

Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Kem Lingón 115:4

Okóm yó kem kul dwata yó kem tau smólók yó, hono dwata lenbù nmò le lemwót bè tahu blówón ne bè blówón bukay nmò tdok tau.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

1 Samwél 4:21

Bè hol sónen nahen nmò boluy yóm ngaen sut yó, boluyen du Ikabud. Yó lanen, “Deng tnagak Dwata ne Israél.” Yó gónón lómón yó boluyen yóm ngaen lemwót bè yóm deng kegef le yóm Slungan Dwata ne yóm katay tuónen ne katay tuha logihen.

2 Tutul Israél 13:9

Deng gotu lo ye lu yó kem tau gel blóng ebè Dwata, kem sfu Aron ne yó kem sfu Libay. Ne deng wen kem tau nélék ye mò blóng ye ebè dwata kéng, lómón yóm gel nmò yó kem tólóng tau bè dumu benwu. Kihu tau sut bélê ye ke wen safì tuduhen duhen ke wen hitu ubihahen, gbek ye ne hembaling du mò blóng ye ebè yóm dwata kéng ye là tahuhen.

Jirimaya 18:13

Yó bud udél Dwata, monen, “Snólókem yó kem tau bè dumu benwu ke deng wen tehe gefet bélê le lómón nim ni? Deng tey sidek yóm kul nmò yó kem dou tau Israél yó, kem tau hol nofinu. Lómó kegnómu kul lómón ke hanà le sawang libun.

Dwata 32:16

Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Dwata 32:21

Deng hélés le nawahu bè yó kem dwata kéng gel tnaba le. Hebut le ou bè yó kem dwata lennged laen mu. Bè nim nmò le ni, gónóhu hélés nawa le mlan bè któbóngu yó kem tólóng but tau. Hebutu lu bè któbóngu yó kem tau là hulung le hedem.

1 Bok Kem Tau Hol Geta 11:33

Yó gónóhu mò du nim ni, abay se deng knogol Selumun o, ne deng tmaba ebè yó kem dwata kéng lemwót bè dumu benwu, boluyen Astarti yóm dwata libun gel tnaba yó kem tau Sidon, ne bè Kimus yóm dwata lennged gel tnaba yó kem tau bè Muab, ne bè Molék yóm dwata kéng yó kem tau Amunayt. Là kô bud lolò Selumun du ne yóm dou lan, là se bud nmoen du yóm gónón hefligal do. Là kô dog nimónen du yó kem dou hlau, ne yó kem dou hlolò lómón yóm tehe kun gel nmò yóm maen Dabid.

2 Bok Kem Tau Hol Geta 1:3

Okóm wen hógów Dwata gu bè longit sut bè Ilaydya yóm tau lemwót bè Tisbi. Yó monen mò du, “Lemwóti ne senlongem yó kem tau hógów yóm tau hol geta bè Samarya, snólókem bélê le, ‘Moen de ke mógów ye ebè Baal-sibub yóm dwata kéng yó kem tau Ikrun, ne tô snólók ye béléen ke mowil yóm tau hol geta ye? Laen dù bud Dwata bè Israél ne kô?