Jirimaya 19:8 - Udél Dwata: Gna Kesfasad ne Lomi Kesfasad

⁸ Angat tey sidek kegbau du yóm syudad Jirusalim. Lemwót bè yóm alì kegbaen, ya tey sidek ketnga yó kem tau mlan bè yó ne tey khisik le du.

Jirimaya 19:8 Referans Kwoze

Jirimaya 18:16

Yó gónóm mon, angat baling benwu laen dù tauhen nim benwu le ni, deng mom benwu kenhisik yó kem dumu tau. Tódô kdê yó kem tau angat mlan du, tey sidek ketnga le bè yóm tey kegbaen. Botong le hising bè yóm tey ketnga le.

1 Bok Kem Tau Hol Geta 9:8

Balù yóm tey keklóónen nim Gónóu ni, kaem angat gbà, baling sidek kton le du yó kem tau mlan bè yó. Angat tey sidek ketnga le lel le temsek ne mon le, ‘Moen ni du ke lómón ni alì ksideken yóm nmò Dwata bè yóm tonoken ne bè yóm Gónóen?’

Sifanaya 2:15

Yó se angat glumfak syudad Ninibi, yóm syudad alì heklabak mon du, “Bè kdéen syudad talak tonok, laen kô dù mkél dou bè yóm alì kfasangu.” Okóm ni, nam tenngel yóm tey ksidek kegbaen, baling benwu gónó le nô yó kem ógóf lem bnes. Kihu tau mlan bè yó gotu kemyà du ne tódô le gotu hising.

Dwata 28:37

Yó kem tau nô bè yó kem benwu angat gónó Dwata e semkla kuy yó, tey sidek ketnga le bè yóm kton le du yóm tey gfà ye. Ne yó nmò le bélê ye, tey kehlowon le kuy ne tey kesedekà le kuy.