Jirimaya 19:7 - Udél Dwata: Gna Kesfasad ne Lomi Kesfasad

⁷ Yakà angat hensengu du yóm atul yó kem tau bè Juda ne yó kem tau bè Jirusalim ne hlusu yó kem sendalù hohon le mò hmatay kul. Yó kem lówó le deng matay tódô tebel yó kem hohon le, gotu htukóu yó kem onuk koyu mken matay ne hséku yó kem ógóf lem bnes.

Jirimaya 19:7 Referans Kwoze

Jirimaya 15:9

Yóm libun ke deng gotu lana béléen yóm hitu kem ngaen logi botong là kóen bud temngón, ne là kóen bud gnawa. Baling kifu béléen igoen tolo mnóng kdaw. Tey sidek kyaken ne tey sidek kegbeng lemen. Yó kem dù mowil bélê ye, gotu hfatayu lu hlanu bè yó kem hohon ye. Ou se yóm sana Dwata hol gónó mogot nim mudél ni.”

Jirimaya 15:2

Ke snólók le béléem, tedu gónó me e solu du, tulónem kul, ‘Ni se udél Dwata ebélê ye, monen ke kul olu matay bè des yó kem dumu, yó se hatay le. Ne yó kem dumu ke yó kul olu matay bè gida, yó se hatay le. Ke kul olu se yó kem dumu matay lemnus, yó se hatay le. Ne ke kul olu negef mayuk yó kem dumu, negef le lu mayuk.’

Jirimaya 7:33

Ne lemwót yó kem lówó yó kem tau laen dù gónó le lembeng kul, gotu ken yó kem onuk koyu gel mken matay ne yó kem ógóf lem bnes ne laen dù bud tau mò hlikò kul.

Sulat Pol Ebè Yó Kem Tau Hemtahu Bè Rom 4:14

Ke són yó kem tau lemolò yó kem hlau Musis angat gmuta yóm fasad Dwata yó, ilóem laen kô dù muhen yóm kehtahu tekuy, dalang se yóm tehe fasad Dwata tekuy.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Jirimaya 22:25

Blayu uu elem hólól yó kem tau malu hmatay kóm, yó kem tau alì knikoem. Blayu uu elem hólól Nibukadnisar yóm tau hol geta bè Babilun ne ebè yó kem sendaluen alì mfasang.

Jirimaya 22:19

Yóm kebeng le du hol lómón kebeng kudà asnu, tódô dyol le hewà gu bè Jirusalim, bot le e sentu yóm bak tikeb.”

Jirimaya 18:21

Duhen ni Dwata, tódô bayaem lu lemnus yó kem ngà le. Tódô bayaem lu matay bè sudeng ne yó kem tau matul do ni. Yó kem yehen le, hboluhem lu laen dù ngà. Dalang se yó kem tuha bélê le, hnatayem lu bè yóm des tódô sut lem benwu. Ne yó kem lomi lemnok bélê le, hfatayem lu bè gida.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Jirimaya 32:28

Yóm syudad ni blayu elem hólól yó kem sendalù Babilun, elem hólól Nibukadnisar yóm tau hol geta bè Babilun ne nleden.

1 Samwél 17:46

Kemdaw ni, blay Dwata uu elem hólólu ne hnatayu uu, kenlengu kuluhem. Ominu bemlay du bè yó kem onuk koyu ne bè yó kem ógóf lóbô lem bnes yóm lówóhem, dalang se lówó yó kem dumu sendalù Flistin mung béléem matay. Bè ni gónó le temngón du yóm kdéen tau bè klamangen benwu wen Dwata yó kem tau Israél.