Jirimaya 19:5 - Udél Dwata: Gna Kesfasad ne Lomi Kesfasad

⁵ Deng le mom hemdà gónó demsù ebè Baal mò gónó le hkekeb ebéléen yó kem ngà le logi. Là kô hmou du kul nim ni, ne là se kô hendemu du balù sulék.

Jirimaya 19:5 Referans Kwoze

Jirimaya 32:35

Deng le mom hemdà yó kem gónó le demsù ebè Baal ditu bè Sbong Ben Hinom ne bè yó gónó le hkekeb yó kem ngà udì le logi duhen ke libun, mò dsù le ebè yóm dwata kéng boluyen Molék. Nim nmò alì sidek ni, là kô naw e hmò du kul. Là kô hendemu du ke yó hmou kul yóm tey sidek yó. Bè yóm nmò yó, alì sidek kegsalà le du yó kem tau bè Juda.”

Dwata 12:31

Hol bê ye abay heskél bè yóm kul kmò gel ktaba ebè yó kem kul dwata yóm kuy kmò ktaba ebè yóm sana kuy Dwata hol gónó mogot. Yakà yóm kul ktaba ebè yó kem kul dwata, gotu nmò le yó kem sidek alì kenbê Dwata. Balù ngà le, gbek le demsù du ta yóm ofi nô bè yó kem gónó le gel demsù.

2 Bok Kem Tau Hol Geta 17:17

Deng mom dsù le ta ofi yó kem ngà udì le logi duhen libun, ne mógów le ebè yó kem tau hemgawang ne ebè yó kem tau demwata, deng tódô bayà le knô le mò du yóm sidek, yóm gónón alì lembut kul Dwata.

Danyél 2:29

Bè yóm igoem hlilil, yó hendemem yóm kmò yóm sut elem hulin kdaw ne yóm Dwata hulung hegfan du yóm gebnos, hegfanen béléem yóm angat msut elem hulin kdaw.

Lista 22:41

Timbow hlafus bè yó, nwit Balak Balaam eta yóm bulul boluyen Bamut Baal ne bè yó gónó Balaam seblà mton kul yó kem dumu tau Israél.