Jirimaya 19:4 - Udél Dwata: Gna Kesfasad ne Lomi Kesfasad

⁴ Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.

Jirimaya 19:4 Referans Kwoze

Jirimaya 2:34

Yóm nes ye, deng tódô hono lekes litô yó kem tau laen dù gónó le ma ne laen dù salà le. Tódô hnatay ye lu baluen ke laen dù deng hennagaw le bélê ye.

Dwata 28:20

Ke mò ye sidek ne ke kenbê ye Dwata, angat wen tey glumfak hwit Dwata ebélê ye ne senbewegen kmò kehedem ye. Angat tey keglayam ye. Ngangen mò kuy efet ye gotu meglà yóm kdê ye.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

2 Bok Kem Tau Hol Geta 24:4

ne yóm tehe khatay Manasi yó kem tau laen dù salà le, botong lenngeben Jirusalim yóm litô le. Là kô gbek Dwata hmifót du yóm nmoen yó.

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

Kun Snulat Luk 11:50

Yó angat guta ye du yóm nmò ye yó, angat snolò Dwata bélê ye kdê yó kem gna tugoden deng tehe hnatay le lemwót bè hol kbut benwu,

Jirimaya 26:23

Tahu se, kenfô le ne nwit le mulék ebè Jihuyakim. Omin Jihuyakim hfatay du mlan bè sudeng ne hboten lówóhen bè yóm gónó le gel lembeng yó kem tau laen dù kwa le.)

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Dwata 28:36

Yó angat nmò Dwata, gotu hegefen yu gomong yóm tau hol geta bélê ye ebè yó kem tólóng benwu, yóm benwu là deng kuy hnikót tngón du dalang se yó kem tehe fù ye. Bè yóm benwu yó angat gónó ye tmaba ebè yó kem dwata kéng gel nmò le gu bè koyu ne gu bè botu.

Dwata 13:6

Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

2 Bok Kem Tau Hol Geta 23:10

Deng gholu Jusaya snéen yóm gónó gel demsù bè Tufét bè Datal Bin-hinum anì laen dù bud tau demsù kem ngà le logi duhen ke ngà le libun bè yó ebè yóm dwata boluyen Molék.

Jirimaya 1:16

Ni se tafaku yó kem dou tau lemwót bè yó kem sidek tendo gel nmò le. Deng knogol le ou ne deng le demsù ebè yó kem dumu dwata. Deng le tmaba ebè yó kem dwata nmò tdok le.

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.

Jirimaya 17:20

Mdai bè yó, mudéli ebè yóm kdéen tau, monem, ‘Ó kem tau hol geta kmamal bè Juda ne yu kem tau bè Juda, dalang se yóm kdê tau nô bè Jirusalim, hol hnungol ye yóm udél Dwata ebélê ye.

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Kem Lingón 106:38

Hnatay le yó kem ngà le logi ne kem ngà le libun, kem ngà laen dù deng tngón le. Bè yóm kedsù le kul ebè yó kem dwata lennged bè Kanan, deng gholu le yóm tonok Kanan lemwót bè litô yó kem ngà le.