Jirimaya 19:11 - Udél Dwata: Gna Kesfasad ne Lomi Kesfasad

¹¹ Ominem yó mon du mò kul, ‘Yó udélen ebélê ye yóm Dwata laen dù là gbeken du, monen, yóm klusoku nim lebwón tonok ni, hol lómón ni se angat klusoku yó kem tau bè Juda ne tau bè Jirusalim, laen dù bud gembek semtnù kul. Bè yó bè Tufét angat gónó le lembeng lówó yó kem tau deng matay. Yó mò du efet laen du bud gónó le lembeng bè yó ne, bà mon se yóm tey tau matay.

Jirimaya 19:11 Referans Kwoze

Kem Lingón 2:9

Ke wen kembê du yóm kogotem kul, gotu genlaem lu. Yó kmò keglaem kul, lómón ke bnogulem bala tók yóm kuleng tonok, gotu lemusok.’ ” Yó se udél Dwata ebè yóm tau tehe néléken mò mogot benwu.

Isaya 30:14

Gotu lemusok lómón klusok yóm kuleng tonok. Laen kô dù tonem ke kóyów mò bud gónó hemsù bala ofi duhen ke mò sakub él.”

Jirimaya 19:6

Yó gónóm mon, hol ye eles temgama. Angat kól yóm kdawen là bud bnoluy le du Tufét ne nim sbong ni, ne là se bud bnoluy le du Sbong Ben Hinom. Yó tles boluy le du Sbong Gónó Hmatay.

Kul Nmò 21:11

Mógów ebélê me, ne tódô nwahen yóm hilet Pol, gotu lébéden gu bè tihen ne bè sigelen. Yó udélen, monen, “Ni se udél yóm Tulus Dwata, monen, lómón ni se angat nmò le béléen yó kem dumuhen Ju bè Jirusalim, yóm fun nim hilet ni, ne angat eted le elem tdok yó kem tau là Ju le.”

Kem Udél Hlalak Tehe Selumun 6:15

Yó gónóm mon, wen glumfak mekto sut béléen ne laen kô bud gónón e mlo.

Jirimaya 19:12

Ni se, mon Dwata, angat nmou bè nim benwu ni ne bè yó kem tauhen. Là kóen bud mólós ktonu du yóm syudad le yó, hol lómón yóm là kólós yóm benwu Tufét.