Jirimaya 19:1 - Udél Dwata: Gna Kesfasad ne Lomi Kesfasad

¹ Yó udél Dwata ebéléu, monen, “Lemwóti nam e bemli lebwón tonok. Ke dengi bemli, tminoki ebè yó kem tuha gónó le gel galak yó kem tau ne bè yó kem tau gel blóng ye ebè Dwata anì mung le kóm.

Jirimaya 19:1 Referans Kwoze

Isaya 30:14

Gotu lemusok lómón klusok yóm kuleng tonok. Laen kô dù tonem ke kóyów mò bud gónó hemsù bala ofi duhen ke mò sakub él.”

Lista 11:16

Omin Dwata bud mudél ebè Musis, monen, “Semtifuni hitu folò bè yó kem tau malak yó kem tau Israél, yó kem tau hol nadat le. Nwitem lu ebéléu dini bè dou Gónô ne hdaem lu klohokem.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

2 Bok Kem Tau Hol Geta 19:2

Ominen hógów kul le Ilyakim yóm tau mogot yóm gónô bongen, ne Sibna yóm fen gel smulat bélê le bè kukum, ne yó kem tmuha gel malak yó kem tau gel blóng ebè Dwata, bede hono le mnes sakù, hógówen lu ebè Isaya yóm tugod Dwata ngà Amus.

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Jirimaya 32:14

“Yó udél yóm Dwata laen dù là gbeken du yóm Dwata yó kem tau Israél, monen, nwitem yóm lewu klatas ni yóm wen deketen ne yóm sotu laen dù deketen, henyuhem lem lebwón tonok anì là sideken balù nô kegenen.

Jirimaya 26:17

Ominen wen bè yó kem tmuha hulung hedem mdà ne mudél le ebè yó kem tau sbung, mon le,

Kul Nmò 21:11

Mógów ebélê me, ne tódô nwahen yóm hilet Pol, gotu lébéden gu bè tihen ne bè sigelen. Yó udélen, monen, “Ni se udél yóm Tulus Dwata, monen, lómón ni se angat nmò le béléen yó kem dumuhen Ju bè Jirusalim, yóm fun nim hilet ni, ne angat eted le elem tdok yó kem tau là Ju le.”