Jirimaya 18:6 - Udél Dwata: Gna Kesfasad ne Lomi Kesfasad

⁶ “Ó kem tau Israél yóm nmou bélê ye ni, hol mkél bè yóm nmò yóm tau yóó bè yóm tonok nifilen. Deng ye nô lem hólólu lómón yóm tonok nô lem hólól yóm tau mifil kuleng yóó.

Jirimaya 18:6 Referans Kwoze

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 45:9

Henkna ye bè yóm tau mifil kuleng tonok, gbek yóm kuleng kô semgil yóm tau mifil du? Laen kô dù gónón stólóng bè yó kem dumu kuleng. Gbek yóm kuleng tonok kô smólók yóm tau mifil du ke tedu nmoen? Duhen ke gbek yóm kuleng kô semlón yóm là khulung yóm tau mifil du?

Jirimaya 18:4

Okóm yóm kuleng tô nmoen là balingen. Ominen yó nmoen, bud senboolen yóm tonok miket ne bud nifilen.

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Danyél 4:23

Ominem mton yóm sotu mit tulón, yóm alì mólós htuntun gu bè longit. Yó udélen, monen, ‘Nofok ye nim koyu ni, hol gotu nufók ye. Okóm tebel ye yóm tuhoden, benkes ye bala tók ne tembaga futì bè buten, omin ye tódô mayà du lem bnes anì sónmoen tendo wos bè amù. Hitu halayen tendo slomong bè yó kem ógóf lem bnes.’

Sulat Pol Ebè Yó Kem Tau Hemtahu Bè Rom 11:34

Lómón se yóm monen bè Sulat Dwata, yóm monen, “Laen kô dù tau gemtukul du yóm hol kun kehedem Dwata. Laen se kô dù tau tô gembek hmau du.

Jirimaya 18:5

Omin Dwata mudél ebéléu, monen,