Jirimaya 15:9 - Udél Dwata: Gna Kesfasad ne Lomi Kesfasad

⁹ Yóm libun ke deng gotu lana béléen yóm hitu kem ngaen logi botong là kóen bud temngón, ne là kóen bud gnawa. Baling kifu béléen igoen tolo mnóng kdaw. Tey sidek kyaken ne tey sidek kegbeng lemen. Yó kem dù mowil bélê ye, gotu hfatayu lu hlanu bè yó kem hohon ye. Ou se yóm sana Dwata hol gónó mogot nim mudél ni.”

Jirimaya 15:9 Referans Kwoze

1 Samwél 2:5

Yó kem tau tehe alì wen ken le, deng le baling bitil. Okóm yó kem tau tehe bitil, deng le gemtu. Yóm libun tehe atil, deng baling dê ngaen. Okóm yóm libun tey tehe wen ngaen, deng mom baling libun tódô sentebel.

Jirimaya 7:19

Okóm bè yóm gel nmò le yó là ou du yóm henyak le, kaem kul knô.”

Jirimaya 19:7

Yakà angat hensengu du yóm atul yó kem tau bè Juda ne yó kem tau bè Jirusalim ne hlusu yó kem sendalù hohon le mò hmatay kul. Yó kem lówó le deng matay tódô tebel yó kem hohon le, gotu htukóu yó kem onuk koyu mken matay ne hséku yó kem ógóf lem bnes.