Jirimaya 15:8 - Udél Dwata: Gna Kesfasad ne Lomi Kesfasad

⁸ Angat tey wen libun bolu bè benwu ye, bong le wen senta yó kem helek bè kilil mohin. Lemwót bè yóm angat khatayu yó kem ngà ye logi lomi lemnok, angat tey kehlangagu yó kem yê le, mung du yóm tey sidek klikò le.

Jirimaya 15:8 Referans Kwoze

Kun Snulat Luk 21:35

Lómón yóm sdô, song imoen hetngón deng gbunuen yóm holot. Yakà ni du se angat gbunù yóm kdéen tau talak tonok.

Jirimaya 18:21

Duhen ni Dwata, tódô bayaem lu lemnus yó kem ngà le. Tódô bayaem lu matay bè sudeng ne yó kem tau matul do ni. Yó kem yehen le, hboluhem lu laen dù ngà. Dalang se yó kem tuha bélê le, hnatayem lu bè yóm des tódô sut lem benwu. Ne yó kem lomi lemnok bélê le, hfatayem lu bè gida.

Jirimaya 22:7

Angat wen tau dóku mò gembà kóm, sket kul mit ngom sfatay. Gotu nofok le yó kem koyu sidar hehekem ne gotu bot le lu elem ofi.

Husiya 4:5

Yó tafaku kuy, tendo ye tlokob kemdaw lómón yóm gel ketlokob ye ke kifu ne gotu le gomong tlokob bélê ye yó kem tugodu. Angat genlau Israél yóm yê ye.

Jirimaya 6:26

Yó udél Dwata ebè yó kem tauhen, monen, “Lemsek ye nes sakù ne ma ye kohù mò gónó ye hluy. Hol ye dmumu mkik lómón ke deng matay yóm tek sotu ngà ye logi, yakà móyónen sut yó kem tau kemtut mundug kuy.