Jirimaya 15:4 - Udél Dwata: Gna Kesfasad ne Lomi Kesfasad

⁴ Lemwót bè yó kem sidek tehe nmò Manasi yóm tau hol geta bè Jirusalim yóm ngà Hisikaya logi, bè yóm tehe kogoten yóm benwu Juda, yó gónóhu mò du bè yó kem dou tau ni kem monu ni koni. Ke ton yó kem dumu tau bè klamangen benwu yóm glumfak le ni, botong kenhisik le lu.

Jirimaya 15:4 Referans Kwoze

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Jirimaya 9:16

Angat gotu senklahu lu ebè yó kem benwu là deng hnikót gungol le du ne là deng hnikót gungol le du se kul yó kem tehe fù le. Angat wen kem sendalù mit sudeng hektesu kul efet gotu genlau lu.”

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

2 Tutul Israél 33:1

Yóm kbaling Manasi tau hol geta, hanà sfolò lewu he halayen, ne yó kegenen kmamal benwu, botong limu folò limu halay ne bè Jirusalim gónón nô.

2 Tutul Israél 33:2

Nmò Manasi yóm sidek bè kton Dwata du, loloen yóm alì kenbê nmò yó kem tau deng hdó Dwata ta yóm tonok blayen yó kem kun tau Israél.

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.