Jirimaya 15:3 - Udél Dwata: Gna Kesfasad ne Lomi Kesfasad

³ Ou se Dwata deng eles matul du yóm fat angat heglumfaku bélê le ni kem tau ni. Wen sudeng angat gónó le matay. Wen ohu fen demyol lówó le mò msék kul. Wen kem onuk koyu mken matay tmukô lówó le. Ne kem ógóf lem bnes fen bud hmotu kul.

Jirimaya 15:3 Referans Kwoze

Dwata 28:26

Ke matay ye, yóm lówó ye gotu ken yó kem onuk gel mken matay ne yó kem ógóf lem bnes ne laen kô dù tau nô bè yó mò hmikò kul.

Deng Hegfan 6:8

Ne tahu se, tódô tonu se yóm kudà malù bulow mélél. Yó boluy yóm tau smakay tahen, Hatay. Ne wen tau eles huli du boluyen Hidis. Benlay le lu kwalis hmatay tau, botong gbut tau bè klamangen benwu gbek hnatay le. Yó kmò keglà le kul, hlan le bè gida, ne bè bitil bong, ne bè kem des, ne bè yó kem ógóf lóbô lem bnes.

Jirimaya 7:33

Ne lemwót yó kem lówó yó kem tau laen dù gónó le lembeng kul, gotu ken yó kem onuk koyu gel mken matay ne yó kem ógóf lem bnes ne laen dù bud tau mò hlikò kul.

Kem Lingón 68:23

Yu kem dou tau, angat nolob ye ti ye bè litô yó kem hohonu deng hnatayu. Balù yó kem ohu ye, sana kwen kul dilut bè yóm litô le yó.”

Jirimaya 14:16

Bud senged se nmou bè yó kem tau deng gónó le tmulón du yóm tulón lenbù ni, bud le gotu matay se kul mlan bè gida ne matay le mlan bè kennus le. Yó kem lówó le, angat tudà yó kem hohon le ebè yó kem lan bè Jirusalim ne laen kô dù tebel bélê le mò lembeng kul. Ni se angat gfà le yóm kdê le, gomong kem yehen le ne kem ngà le logi ne ngà le libun. Hbayadu kul ne yó kem sidek deng nmò le.”

Isikél 33:27

Bud tulónem kul yóm udél yóm sana Dwata hol dandónen geta, yó monen, Ni safau bélê ye hlanu bè yóm là katayu. Yó kem dù tau nô bè yó kem syudad deng gbà angat le gotu matay bè sudeng. Yó kem dù tau menwu lem bulul angat gotu nsék le lu yó kem ógóf lem bnes. Yó kem dù tau hebnos lem bulul ne lem kilib angat le gotu matay bè des.

Amus 5:19

Yóm kdaw yó hol lómón ke yóm tau hemlóy liyun, mom bud geslongen yóm ógóf lóbô boluyen bér. Duhen ke mulék ebè gónóen ne mnok bè beng, mom bud nékét ulal.

Dwata 32:24

Angat le matay bè kenus le ne bè alì sidek kkinì le ne matay le bè yó kem des mekto. Hemwite ebélê le ógóf lóbô mò msék kul ne ulal malas mò mékét kul.

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”