Jirimaya 15:2 - Udél Dwata: Gna Kesfasad ne Lomi Kesfasad

² Ke snólók le béléem, tedu gónó me e solu du, tulónem kul, ‘Ni se udél Dwata ebélê ye, monen ke kul olu matay bè des yó kem dumu, yó se hatay le. Ne yó kem dumu ke yó kul olu matay bè gida, yó se hatay le. Ke kul olu se yó kem dumu matay lemnus, yó se hatay le. Ne ke kul olu negef mayuk yó kem dumu, negef le lu mayuk.’

Jirimaya 15:2 Referans Kwoze

Deng Hegfan 13:10

Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Amus 5:19

Yóm kdaw yó hol lómón ke yóm tau hemlóy liyun, mom bud geslongen yóm ógóf lóbô boluyen bér. Duhen ke mulék ebè gónóen ne mnok bè beng, mom bud nékét ulal.

Danyél 9:12

Deng dnohoem yóm deng tehe eles udélem eta me ne eta yó kem gónó me galak, duhen yóm kehwitem ebélê me yóm tey glumfak bong. Bè kdê yó kem dumu benwu dini talak tonok, laen dù bélê le deng gmumfak du he yóm glumfak Jirusalim ni.

Jirimaya 14:16

Bud senged se nmou bè yó kem tau deng gónó le tmulón du yóm tulón lenbù ni, bud le gotu matay se kul mlan bè gida ne matay le mlan bè kennus le. Yó kem lówó le, angat tudà yó kem hohon le ebè yó kem lan bè Jirusalim ne laen kô dù tebel bélê le mò lembeng kul. Ni se angat gfà le yóm kdê le, gomong kem yehen le ne kem ngà le logi ne ngà le libun. Hbayadu kul ne yó kem sidek deng nmò le.”

Jirimaya 19:7

Yakà angat hensengu du yóm atul yó kem tau bè Juda ne yó kem tau bè Jirusalim ne hlusu yó kem sendalù hohon le mò hmatay kul. Yó kem lówó le deng matay tódô tebel yó kem hohon le, gotu htukóu yó kem onuk koyu mken matay ne hséku yó kem ógóf lem bnes.

Isikél 33:27

Bud tulónem kul yóm udél yóm sana Dwata hol dandónen geta, yó monen, Ni safau bélê ye hlanu bè yóm là katayu. Yó kem dù tau nô bè yó kem syudad deng gbà angat le gotu matay bè sudeng. Yó kem dù tau menwu lem bulul angat gotu nsék le lu yó kem ógóf lem bnes. Yó kem dù tau hebnos lem bulul ne lem kilib angat le gotu matay bè des.

Isaya 10:4

Yó angat gfà ye, wen se bélê ye matay bè gida ne wen se bélê ye negef le. Baluen se ke lómón yó gfà ye, là kóen deng teflok he yóm kebut Dwata kuy. Sana tolo kuhayen sigelen tmafak kuy.